खळबळजनक! शिर्डीत 10 महिन्यात तब्बल 88 भाविक बेपत्ता; मानवी तस्करीचा संशय

ऑगस्ट 2017 मध्ये इंदौर येथील साईभक्त सोनी आपल्या पत्नी आणि मुलांसह शिर्डी येथे साईबाबांच्या दर्शनासाठी आले होते. दर्शनानंतर सोनी संस्थानच्या प्रसादलयात भोजन करुन बाहेर आले. त्यावेळी त्यांची पत्नी तिथून बेपत्ता झाली असल्याची तक्रार शिर्डी पोलीस ठाण्यात दिली होती. मात्र, यानंतरही पत्नीचा शोध लागला नसल्याने सोनी यांनी माहिती अधिकाराचा आधार घेतला.

अहमदनगर - 2018 साली शिर्डी येथे साईबाबांच्या दर्शानासाठी आलेल्यां भाविकांमधून 88 भाविक बेपत्ता झाल्याची धक्कादायक माहिती समोर आली आहे. याप्रकरणी एका साई भक्ताने औरंगाबाद खंडपीठात याचिका दाखल केली. यानंतर प्रकरण उच्च न्यायालयात गेल्यानंतर न्यायाधीशांनी गायब झालेल्या लोकांची मानवी तस्करी अथवा मानवी अवयवासाठी तस्करी झाली का? याचा तपास करण्याचे आदेश दिले. तर शिर्डीतील ग्रामस्थांनी भाविक गायब होण्याच्या प्रकरणाबाबत चिंता व्यक्त केली आहे. तसेच पोलीस प्रशासन आणि साई संस्थानने याप्रकरणी योग्य कारवाई करण्याची मागणी केली आहे.

ऑगस्ट 2017 मध्ये इंदौर येथील साईभक्त सोनी आपल्या पत्नी आणि मुलांसह शिर्डी येथे साईबाबांच्या दर्शनासाठी आले होते. दर्शनानंतर सोनी संस्थानच्या प्रसादलयात भोजन करुन बाहेर आले. त्यावेळी त्यांची पत्नी तिथून बेपत्ता झाली असल्याची तक्रार शिर्डी पोलीस ठाण्यात दिली होती. मात्र, यानंतरही पत्नीचा शोध लागला नसल्याने सोनी यांनी माहिती अधिकाराचा आधार घेतला. यानंतर 10 महिन्यात 88 व्यक्ती शिर्डीतून गायब झाल्याची नोंद शिर्डी पोलीस ठाण्यात असल्याचा धक्कादायक प्रकार समोर आला.

हेही वाचा - भाजप नेते संबित पात्रांनी राहुल गांधींचं ठेवलं नवं नाव, म्हणाले...

सोनी यांनी यासंदर्भात औरंगाबाद खंडपीठात याचिका दाखल केली. न्यायालयाने निकालात असे म्हटले की देवस्थान आणि गर्दीच्या ठिकाणावरून अनेक तरुण, महिला गायब होतात. त्यातील महिलांना गैरमार्गाला लावण्याच्या व्यवसायाचे रॅकेट तर शिर्डीत कार्यरत नाही ना? किंवा याठिकाणी मानवी अवयव विकण्याचा व्यवसाय तर चालत नाही ना? यासाठी पोलीस अधीक्षक यांनी शोध मोहीम घ्यावी, असे आदेश उच्च न्यायालयाने दिले आहेत. तर मंदिरात जाताना किंवा परिसरात असताना भाविकांची चुकाचुक होऊ नये, अशी उपाय योजना मंदीर प्रशासनाने आपल्या सुरक्षा रक्षकामार्फत करण्याची मागणी ग्रामस्थांनी केली आहे.

हेही वाचा - अमूलचे दूध प्रति लिटर २ रुपयांनी महाग; महाराष्ट्रासह चार राज्यांत दरवाढ लागू

पाकीटमारी, भक्तांच्या गाड्यातून सामान चोरी, होणारे खून, मारामाऱ्या, मंगळसूत्र चोरी, हॉटेल व्यवसायात राजरोज वेश्या व्यवसाय, पॉलीशवाल्यांच्या नावाने भक्तांची लूट, बेकायदेशीर वाहन-चालक, मालक, अशा अनेक घटना दररोज शिर्डीत समोर आल्या. मात्र, आता चक्क साई दर्शनासाठी आलेले भाविकच शिर्डीतून गायब झाल्याने भीतीचे वातावरण निर्माण झाले आहे.