लंडन - अमेरिकेची स्टार महिला टेनिसपटू सेरेना विल्यम्स टोकियो ऑलिम्पिकमध्ये सहभागी होणार नाही. तिने ऑलिम्पिकमधून का सहभागी होणार नाही. याचे स्पष्ट कारण सांगितलं नाही.
सेरेना म्हणाली, ऑलिम्पिकमधून माघार घेण्यास अनेक कारणे आहे. मी तिथे जाऊ इच्छित नाही. मी याबद्दल माफी मागते. पुढे ती म्हणाली, मी खरोखर ऑलिम्पिकच्या यादीत नाही. मला त्याबद्दल माहिती नाही. जर हे खरे असेल तर मला तिथे जायला नको.
दरम्यान, सेरेना २३ ग्रँडस्लॅम विजेती दिग्गज टेनिसपटू आहे. तिने ऑलिम्पिकमध्ये चार सुवर्णपदके पटकावली आहेत. २००० सिडनी आणि २००८ बीजिंग ऑलिम्पिकमध्ये तिने दुहेरीत सुवर्णपदक जिंकले होते. तर २०१२ लंडन ऑलिम्पिकमध्ये तिने एकेरीत व दुहेरी प्रकारात सुवर्णपदक पटकावले होते.
दरम्यान, टोकियो ऑलिम्पिकला २३ जुलैपासून सुरूवात होणार आहे. पण स्पर्धेला सुरूवात होण्याआधीच सेरेनासह राफेल नदाल, ऑस्ट्रेयाचा टेनिसपटू डोमिनिक थीम आणि कॅनडाचा टेनिसपटू डेनिस शापोवालोव यांनी माघार घेतली आहे.
जागतिक क्रमवारीत चौथ्या स्थानावर असलेला ऑस्ट्रेयाचा टेनिसपटू डोमिनिक थीमने टोकियो ऑलिम्पिकमधून माघार घेण्याचा निर्णय घेतला. त्याने आपण या स्पर्धेसाठी तयार नाही. सध्या मला विम्बल्डन स्पर्धेवर लक्ष केंद्रीत करायचे आहे, असे कारण दिलं आहे. थीमनंतर काही तासांतच कॅनडाचा टेनिसपटू डेनिस शापोवालोवने आपण ऑलिम्पिकमध्ये सहभागी होणार नसल्याचे जाहीर केले. त्याने, कोरोनाच्या वाढत्या संकटामुळे स्पर्धेतून माघार घेतली असल्याचे ट्विट करत सांगितलं आहे.
नदालची माघार...
स्पेनचा स्टार टेनिसपटू राफेल नदालने टोकियो ऑलिम्पिक आणि विम्बलडनमधून माघार घेण्याचा निर्णय घेतला. फ्रेंच ओपन टेनिस स्पर्धेनंतर ऑलिम्पिक स्पर्धांसाठी जास्त वेळ नसल्याने फिटनेसचे कारण देत नदालने माघार घेतली. याबाबत त्याने ट्विट करत सांगितलं होतं.
हेही वाचा - हाले ओपन : २० वर्षीय ऑगरने त्याचा आदर्श रॉजर फेडररचा उडवला धुव्वा
हेही वाचा - गतविजेती सिमोना हालेपची विम्बल्डनमधून माघार
