नवी दिल्ली: कुस्ती विश्वातून एक विचित्र घटना समोर आली आहे. कॉमनवेल्थ गेम्सच्या निवड चाचण्यांदरम्यान 125 किलो फ्रीस्टाइल प्रकारात कुस्तीपटू सतेंदर मलिकने ( Wrestler Satender Malik ) पराभूत झाल्यावर रेफ्रीला मारहान केली ( Wrestler Satender punches referee ) होती. त्यामुळे त्याला भारतीय कुस्ती महासंघाने (WFI) मंगळवारी त्याच्यावर आजीवन बंदी घातली आहे. प्रतिस्पर्धी मोहितकडून सामना गमावल्यानंतर सतेंदरने निराशेने रेफ्रींना मारहान केली.
डब्ल्यूएफआयचे सहाय्यक सचिव विनोद तोमर ( WFI Assistant Secretary Vinod Tomar ) यांनी स्पोर्ट्स तकला सांगितले की, डब्ल्यूएफआयचे अध्यक्ष ब्रिजभूषण शरण सिंग चाचणी सामन्याच्या वेळी उपस्थित होते. त्यांनी सतेंदरवर तत्काळ कारवाई करत त्याच्यावर आजीवन बंदी घातली आहे.
टोकियो ऑलिम्पिक रौप्यपदक विजेता रवी कुमार दहिया आणि अमन यांच्यातील 57 किलो वजनी गटातील सामना देखील, मॅटवरील सतेंदरच्या कृत्यामुळे तात्पुरता थांबवण्यात आला होता. उल्लेखनीय म्हणजे, टोकियो ऑलिम्पिक पदक विजेते रवी कुमार दहिया आणि बजरंग पुनिया यांना राष्ट्रकुल क्रीडा स्पर्धेत थेट प्रवेश देण्यात आला नाही. परंतु त्यांना चाचण्यातून पुढे जाण्यास सांगण्यात आले होते. दोन्ही स्टार्सना त्यांच्या संबंधित वजनी गटांच्या उपांत्य फेरीत स्थान देण्यात आले आहे.
हेही वाचा - Asian Para Games Postponed : कोरोनामुळे हँगझोऊ आशियाई पॅरा गेम्स 2022 अनिश्चित काळासाठी स्थगित
