पानीपत: गोल्डन बॉय म्हणून प्रसिद्ध असलेल्या नीरज चोप्राचा ( Golden Boy Neeraj Chopra ) पानिपतमध्ये अपघात झाला ( Neeraj Chopra car accident in panipat ) आहे. हरियाणा रोडवेजच्या एस बसने नीरज चोप्राच्या कारला धडक दिली. त्यावेळी कारमध्ये नीरज चोप्राचे काका भीम चोप्रा होते. बस चालकाच्या निष्काळजीपणामुळे हा अपघात झाल्याचे सांगण्यात येत आहे. त्याचवेळी या धडकेत नीरज चोप्राचे काका बचावले आणि या अपघातात सुदैवाने कोणतीही मोठी हानी झाली नाही.
या अपघातात सुवर्णपदक विजेता नीरज चोप्राच्या XUV 700 कारचे नुकसान झाले आहे. नीरज चोप्राच्या कारमध्ये त्याचे काका भीम चोप्रा होते. ते स्वतः गाडी चालवत होते. त्याचवेळी अपघातानंतर भीम चोप्रा आणि रोडवेज चालक यांच्यात बाचाबाची झाली. यादरम्यान, रोडवेज ड्रायव्हर आणि परिचालक म्हणाले, हरियाणाचे मुख्यमंत्री मनोहर लाल खट्टर देखील त्यांचे काही करू शकत नाहीत. या प्रकारामुळे भीम चोप्रा यांनाही राग आला आणि त्यांनी एसपींना कॉल करुन घटनास्थळी पोलिसांना बोलावून घेतले.
त्याचवेळी चालक आणि परिचालकला प्रकरणाचे गांभीर्य लक्षात येताच, दोघांनीही हात जोडून भीम चोप्राची माफी मागितली. त्यानंतर दोघांना भीम चोप्रा यांनी माफ केले, भविष्यासाठी इशारा दिला आणि त्यांना जाऊ दिले. नीरज चोप्राचे काका भीम चोप्रा यांनी सांगितले की, ते यमुना एन्क्लेव्ह येथून जीटी रोडवरील दिल्ली लँडकडे जात होते. त्यांच्यासोबत हरियाणा रोडवेजची बसही धावत होती. दोघेही आपापल्या बाजूने होते, मात्र यादरम्यान हरियाणा रोडवेजच्या चालकाने निष्काळजीपणा दाखवत त्यांच्या कारला बाजूने धडक दिली.
हेही वाचा - Yuvraj Singh Statement : 'तो' डाव सचिन तेंडुलकरच्या द्विशतकानंतर ही घोषित करता आला असता युवराज सिंग
