रोम: फ्रेंच ओपनच्या एक आठवडा अगोदर सर्बियाचा स्टार खेळाडू नोव्हाक जोकोविच ( Serbian star player Novak Djokovic ) याने शनिवारी इटली ओपन टेनिस स्पर्धेच्या अंतिम फेरीत कॅस्पर रुडचा सरळ सेटमध्ये पराभव करून अंतिम फेरी गाठली. जागतिक क्रमवारीत अव्वल स्थानी असलेल्या जोकोविचने रुडेवर 6-4, 6-3असा विजय मिळवून वर्षातील सर्वात मोठ्या अंतिम फेरीत प्रवेश केला असून तो सहावे जेतेपद पटकावण्याचा प्रयत्न करेल.
जोकोविचने कारकिर्दीतील 1000 वा विजय ( Djokovic 1000th career victory ) नोंदवला. जिमी कॉनर्स (1,274 विजय), रॉजर फेडरर (1,251), इव्हान लेंडल (1,068) आणि राफेल नदाल (1,051) नंतर ही कामगिरी करणारा तो केवळ पाचवा पुरुष खेळाडू आहे. सामन्यानंतर जोकोविचला एक केक देण्यात आला ज्यावर '1000' लिहिले होते.
जोकोविचला कोरोना व्हायरस प्रतिबंधक लसीकरण न केल्यामुळे ऑस्ट्रेलियन ओपनसह मोसमातील अनेक स्पर्धांमधून बाहेर काढण्यात आले. जोकोविच अंतिम फेरीत स्टेफानोस त्सित्सिपासशी भिडणार आहे आणि ग्रीक खेळाडूविरुद्ध त्याची पाच सामन्यांची विजयी मालिका वाढवण्याचा प्रयत्न करेल. त्सित्सिपासने अलेक्झांडर झ्वेरेवचा 4-6, 6-3, 6-3 असा चुरशीच्या लढतीत पराभव करत पहिल्यांदाच रोममध्ये अंतिम फेरी गाठली.
महिलांच्या उपांत्य फेरीत अव्वल मानांकित इंगा स्विटेकने एरिनाने सबालेंकाचा 6-2, 6-1 असा पराभव करून तिचा सलग 27वा विजय नोंदवला. अंतिम फेरीत तिचा सामना ओन्स जबूरशी होईल, जिने दारिया कासात्किना हिचा 6-4, 1-6, 7-5 असा पराभव करून सलग 11वा सामना जिंकला.
हेही वाचा - IPL 2022 GT vs CSK : गुजरात टायटन्सने चेन्नई सुपर किंग्जला सात विकेट्सने चारली धूळ
