मियामी: मियामी ओपनमध्ये नॉर्वेच्या कॅस्पर रुडविरुद्ध जेतेपद पटकावल्यानंतर स्पेनचा युवा टेनिसपटू कार्लोस अल्कराझने ( Young tennis player Carlos Alcaraz ) त्याला स्पॅनिश राजाने फोन ( Phone of the Spanish King ) केला होता, असा खुलासा केला आहे. 18 वर्षीय अल्कराझने सोमवारी मियामी येथे 7-5, 6-4 असा विजय मिळवला होता. स्पर्धेच्या 37 वर्षांच्या इतिहासात मियामी ओपन जिंकणारा तो पहिला स्पॅनिश खेळाडू ठरला. हे त्याचे पहिले एटीपी मास्टर्स 1000 विजेतेपद आहे.
संथ सुरुवातीपासून सावरत अल्कराझला कारकिर्दीतील सर्वात मोठे विजेतेपद ( The biggest championship of his career ) पटकावता आले. पण जेव्हा त्याला स्पेनचा राजा फेलिप सहावा याचा फोन आला तेव्हा तो आश्चर्यचकित झाला. अल्कराझ एटीपीतुरला बोलताना म्हणाला की, “स्पॅनिश राजाचा फोन येणे खूप आश्चर्यकारक आहे. त्या फोनसाठी मी मॅचपेक्षा जास्त घाबरलो होतो. हे आश्चर्यकारक आहे की, स्पॅनिश राजा तुमचे कठोर परिश्रम आणि तुमच्या विजयाबद्दल तुमचे अभिनंदन करत आहे.
अल्कराझने मियामीमधील त्याच्या यशाचे श्रेय प्रशिक्षक आणि माजी खेळाडू जुआन कार्लोस फेरेरो ( Juan Carlos Ferrero ) यांना दिले. ज्यांनी त्याला अंतिम फेरीदरम्यान शांत राहण्यास मदत केली. अल्कराझ म्हणाला, प्रशिक्षकाने मला या क्षणाचा आनंद घेण्यास सांगितले. कोणत्याही दबावाशिवाय माझी पहिली मास्टर्स 1000 फायनल ( First Masters 1000 finals ) खेळण्यासाठी मला प्रेरित केले. मियामीच्या विजयामुळे स्पॅनियार्डला कारकिर्दीतील उच्च एटीपी क्रमवारीत 11व्या क्रमांकावर येण्यास मदत झाली.
हेही वाचा -Fih Pro League : राणीचे महिला हॉकी संघात पुनरागमन; संघाच्या नेतृत्वाची धुरा सविताच्या हाती
