नवी दिल्ली : अहमदाबादमध्ये सुरू असलेल्या चौथ्या कसोटी सामन्यातून भारतासाठी वाईट बातमी आली आहे. श्रेयस अय्यरच्या पाठीत अचानक दुखू लागल्याने तो फलंदाजीसाठी मैदानावर आला नाही. रवींद्र जडेजा बाद झाल्यानंतर श्रेयसला फलंदाजीला यावे लागले मात्र त्याच्या जागी भरत मैदानात आला.
श्रेयस वनडे मालिकेतून बाहेर पडला : अय्यर ( Shreyas Iyer Back Pain ) पाठदुखीमुळे जानेवारीत न्यूझीलंडविरुद्धच्या वनडे मालिकेतून बाहेर पडला होता. खबरदारी म्हणून त्याला राष्ट्रीय क्रिकेट अकादमी बंगळुरू येथे पाठवण्यात आले. सध्या विराट कोहली आणि केएस भरत भारतीय डावाचे नेतृत्व करत आहेत. वृत्त लिहिपर्यंत विराटने 88 धावा केल्या होत्या आणि भरतने 24 धावा केल्या होत्या. भारत अजूनही 8 धावांनी मागे : विराट कोहलीच्या शानदार शतकामुळे भारताने पहिल्या डावात 5 गडी गमावून 472 धावा केल्या आहेत. विराट कोहली 135 धावा करून आणि अक्षर पटेल 38 धावा करून क्रीजवर आहे. भारत अजूनही 8 धावांनी मागे आहे.
गिलचे कसोटीतील दुसरे शतक : ऑस्ट्रेलियाने पहिल्या डावात 480 धावा केल्या आहेत. उस्मान ख्वाजा आणि कॅमेरून ग्रीनने शतके झळकावली. अश्विनने पहिल्या डावात ऑस्ट्रेलियाच्या 6 विकेट घेतल्या. शुभमन गिलनेही चौथ्या कसोटीत शतक झळकावून आपली निवड योग्य असल्याचे दाखवून दिले. गिलचे हे कसोटीतील दुसरे शतक आहे. तिसऱ्या कसोटीत केएल राहुलच्या जागी शुभमनचा संघात समावेश करण्यात आला होता. तिसरा कसोटी सामना इंदूरमध्ये खेळला गेला ज्यात भारताला पराभवाला सामोरे जावे लागले.
तीन एकदिवसीय सामन्यांची मालिका : कसोटी मालिकेनंतर भारत आणि ऑस्ट्रेलिया यांच्यात तीन एकदिवसीय सामन्यांची मालिका खेळवली जाणार आहे. या मालिकेतील पहिला सामना 17 मार्च रोजी मुंबईतील वानखेडे स्टेडियमवर होणार आहे. दुसरा सामना 19 मार्चला विशाखापट्टणममध्ये तर तिसरा सामना 22 मार्चला चेन्नईत खेळवला जाईल.
हेही वाचा : Usman Khan Fastest Century : उस्मान खानने पीएसएलमध्ये रचला इतिहास, ठोकले सर्वात वेगवान शतक
