जोहान्सबर्ग - दक्षिण आफ्रिका संघाचे मुख्य प्रशिक्षक मार्क बाऊचर हे आपल्या कारकिर्दीत अपमानजनक गाणे गाणाऱ्या ग्रुपमध्ये सहभागी होते. त्यांनी संघातील खेळाडूंसोबत अपमानजनक गाणे गायल्याची कबुली दिली आहे. यासाठी त्यांनी माफी मागितली आहे.
ईएसपीएन क्रिकइन्फोने दिलेल्या वृत्तानुसार, पॉल अॅडम्ससह काही खेळाडूंनी वर्णद्वेषी भेदभावचा आरोप केल्यानंतर मार्क बाऊचर यांनी दक्षिण आफ्रिकेच्या सामाजिक न्याय आणि राष्ट्र निर्माण समितीला 14 पानाचा माफीनामा पाठवला आहे.
पॉल अॅडम्स याने एसजेएनच्या समोर सुनावणी दरम्यान, दावा केला होता की, मार्क बाऊचर त्या खेळाडूत सामिल होते. ज्यांनी त्यांच्यावर वर्णद्वेषी भेदभाव टिप्पणी करताना अपमानजनक गाणे गायले. यावर मार्क बाऊचर यांनी सांगितलं की, त्यांनी अॅडम्सला कोणतेही टोपणनाव ठेवले नव्हते.
आरोपांवर बाऊचर म्हणाले की, संघातील खेळाडूंपेक्षा स्वत: जास्त संवेदनशील व्हायला हवे होते. मार्क बाऊचर यांनी त्याच्या माफिनाम्यात म्हटलं की, मी कोणत्याही अपमानजनक आचरणाचा, वास्तविक किंवा कथित घटनेसाठी माफी मागतो. ज्यासाठी मला जबाबदार ठरवलं जात आहे.
आम्हाला त्यावेळी कोचिंग स्टाफ, निवडकर्ते, सीएसएला अधिक संवेदनशील होण्याची गरज होती. तसेच सर्व सदस्य या मुद्यावर विचार व्यक्त करू शकतील, असे वातावरण तयार करायला हवे होते, असे देखील मार्क बाऊचर यांनी म्हटलं आहे.
बाऊचर यांनी सांगितलं की, संघातील खेळाडूंसोबत अपमानजनक गाणे गाणं आणि अपमानजनक टोपणनाव ठेवणे या प्रकरणात कोणत्याही भूमिकेसाठी मला खेद आहे आणि मी याबद्दल माफी मागतो. दरम्यान, बाऊचरने आफ्रिकेसाठी 147 कसोटी आणि 295 एकदिवसीय सामने खेळली आहेत.
हेही वाचा - विराट कोहलीच्या बॅटमधून शतक येणार, प्रशिक्षकाचा विश्वास
हेही वाचा - टी-20 विश्वकरंडक अजून सुरूही झालं नाही, पण डॅरेन सॅमीचा मोठा दावा
