अहमदाबाद - आयपीएलच्या चौदाव्या हंगामात आज दिल्ली कॅपिटल्स आणि रॉयल्स चॅलेंजर्स बंगळुरू संघात सामना रंगला आहे. अहमदाबादच्या नरेंद्र मोदी स्टेडियममध्ये रंगलेल्या या सामन्यात दिल्लीने नाणेफेक जिंकून प्रथम गोलंदाजी करण्याचा निर्णय घेतला आहे.
दिल्लीने आपल्या संघात एक बदल केला आहे. त्यांनी फिरकीपटू रविचंद्रन अश्विनच्या जागेवर वेगवान गोलंदाज इशांत शर्माला अंतिम संघात स्थान दिलं आहे. दुसरीकडे बंगळुरूने आपल्या संघात दोन बदल केले आहेत. त्यांनी नवदीप सैनी आणि डेन ख्रिश्चियन यांच्या जागेवर रजत पाटीदार आणि डॅनियल सॅम्सला संधी दिली आहे.
दिल्ली कॅपिटल्स वि. रॉयल्स चॅलेंजर्स बंगळुरू हेड टू हेड आकडेवारी
उभय संघातील आकडेवारी पाहिल्यास यात बंगळुरूचा पगडा भारी आहे. बंगळुरूने १५ सामने जिंकली आहेत. तर दिल्ली संघाला १० सामन्यात विजय साकारता आला आहे. एक सामन्याचा निकाल लागलेला नाही.
दिल्ली कॅपिटल्सचा संघ -
शिखर धवन, पृथ्वी शॉ, स्टिव्ह स्मिथ, ऋषभ पंत (कर्णधार), शिमरोन हेटमायर, मार्कस स्टॉयनिस, अक्षर पटेल, कगिसो रबादा, अमित मिश्रा, इशांत शर्मा आणि आवेश खान.
रॉयल चॅलेंजर्स बंगळुरूचा संघ -
देवदत्त पडीक्कल, विराट कोहली (कर्णधार), रतज पाटीदार, ग्लेन मॅक्सवेल, एबी डिव्हिलियर्स, वॉशिंग्टन सुंदर, डॅनियल शम्स, कायले जेमिसन, हर्षल पटेल, युजवेंद्र चहल आणि मोहम्मद सिराज.
हेही वाचा - IPL मध्ये सहभागी ऑस्ट्रेलियन खेळाडूंनी मायदेशी परतण्याची व्यवस्था स्वत:च करावी - पंतप्रधान मॉरिसन
हेही वाचा - IPL २०२१ : 'कोरोना लस घ्यायची की नाही, हे खेळाडूच ठरवतील; विदेशी खेळाडूंना लस नाही'
