नवी दिल्ली: आयपीएलच्या पंधाराव्या हंगामाला ( Fifteenth season of IPL ) 26 मार्च पासून सुरुवात होणार आहे. या स्पर्धेत यंदा दहा संघांचा समावेश आहे. तसेच दोन महिने चालणाऱ्या स्पर्धेत एकूण 74 सामने खेळले जाणार आहेत. त्याचबरोबर या स्पर्धेचा स्टेडियममध्ये जाऊन आनंद घेण्यासाठी चाहते खुप उत्साही आहेत. या चाहत्यांसाठी आता आनंदाची बातमी आहे. प्रत्यक्ष स्टेडियममध्ये उपस्थित राहून सामन्याचा आनंद घेता येणार आहे. यामध्ये एकून आसन क्षमतेच्या 25 टक्के प्रेक्षकांना ( 25% crowd allowed ) उपस्थित राहण्याची परवानगी देण्यात आली आहे.
शनिवारपासून मुंबईत सुरू होणाऱ्या इंडियन प्रीमियर लीगच्या ( Indian Premier League ) 15 व्या हंगामासाठी स्टेडियममध्ये 25 टक्के प्रेक्षकांची उपस्थिती असेल, असे आयोजकांनी बुधवारी सांगितले. वानखेडे स्टेडियमवर शनिवारी गतविजेत्या चेन्नई सुपर किंग्ज आणि कोलकाता नाईट रायडर्स यांच्यात पहिला सामना खेळला जाणार आहे.
आयपीएलच्या प्रसिद्धीपत्रकात म्हटले आहे की, “हा सामना एक महत्त्वाचा प्रसंग असणार आहे. कारण आयपीएलच्या 15 व्या हंगामात साथीच्या रोगामुळे थोड्या विश्रांतीनंतर चाहत्यांचे स्टेडियममध्ये पुन्हा एकदा स्वागत होईल. कोविड-19 प्रोटोकॉलनुसार 25 टक्के प्रेक्षकांच्या उपस्थित मुंबई, नवी मुंबई आणि पुणे येथील स्टेडियममध्ये सामने खेळवले जातील.”
वानखेडे आणि डीवाय पाटील येथे 20-20 सामने होतील, तर 15-15 सामने ब्रेबॉर्न आणि एमसीए आंतरराष्ट्रीय स्टेडियम, पुणे ( MCA International Stadium Pune ) येथे होतील. जवळपास वर्षभरानंतर आयपीएल स्पर्धा भारतात होत आहे. 2021 मध्ये, भारतातील काही ठिकाणी बंद दारांमागे लीग खेळली गेली होती, परंतु मे महिन्यात संघांच्या बायो-बबलमध्ये अनेक COVID-19 प्रकरणे समोर आल्यानंतर मध्यभागी ती स्थगित करण्यात आली. उर्वरित सामने सप्टेंबर-ऑक्टोबरमध्ये यूएईमध्ये खेळवले गेले. लीगची 2020 हंगाम देखील यूएई मध्ये खेळवला गेला.
