IND vs SA 2nd T20 : दुसऱ्या टी-20 सामन्यासाठी भारत आणि दक्षिण आफ्रिका संघ ओडिशात दाखल

भारत आणि दक्षिण आफ्रिका ( India and South Africa ) यांच्यात 12 जूनला दुसरा टी-20 सामना खेळवला जाणार आहे. तत्पूर्वी, दोन्ही संघ आज म्हणजेच शुक्रवारी ओडिशात पोहोचले आहेत.

भुवनेश्वर: सध्या भारत आणि दक्षिण आफ्रिका संघात पाच सामन्यांची टी-20 मालिका खेळळी जात आहे. या मालिकेतील पहिला सामना दिल्लीत खेळला गेला, जो दक्षिण आफ्रिका संघाने जिंकला. या मालिकेतील दुसरा सामना 12 जून रोजी बाराबती स्टेडियमवर होणार आहे. त्यासाठी भारत आणि दक्षिण आफ्रिका संघ कडेकोट बंदोबस्तात शुक्रवारी ओडिशात ( IND SA both teams reach Bhubaneswar ) पोहोचले. दोन्ही संघ दुपारी 2 वाजता भुवनेश्वरमधील बिजू पटनायक आंतरराष्ट्रीय विमानतळावर पोहोचले आणि त्यांचे स्वागत करण्यासाठी शेकडो क्रिकेट चाहते तेथे उपस्थित होते.

विमानतळावरील रस्त्याच्या दुतर्फा, हॉटेलच्या बाहेर आणि दोन्ही ठिकाणी जाताना क्रिकेटप्रेमी त्यांच्या क्रिकेट स्टार्सची झलक पाहण्यासाठी आतुर झालेले दिसले. ओडिशा क्रिकेट असोसिएशन ( Odisha Cricket Association ) च्या सदस्यांनी विमानतळावर खेळाडूंचे स्वागत केले आणि कडक सुरक्षेमध्ये त्यांना विशेष बसमधून हॉटेलमध्ये नेण्यात आले.

• Hello Cuttack 👋#TeamIndia | #INDvSA | @Paytm pic.twitter.com/928W93aWXs

  — BCCI (@BCCI) June 10, 2022 " class="align-text-top noRightClick twitterSection" data="

  Hello Cuttack 👋#TeamIndia | #INDvSA | @Paytm pic.twitter.com/928W93aWXs

  — BCCI (@BCCI) June 10, 2022

  ">

  Hello Cuttack 👋#TeamIndia | #INDvSA | @Paytm pic.twitter.com/928W93aWXs

  — BCCI (@BCCI) June 10, 2022

रविवारी होणाऱ्या सामन्यापूर्वी ओडिशाचे पोलीस महासंचालक एसके बसल यांच्यासह वरिष्ठ पोलीस अधिकारी आणि जिल्हा प्रशासनाने बाराबती स्टेडियममधील व्यवस्थेचा आढावा घेतला. खेळाडूंना सुरक्षित वातावरणात, रविवारी सामना सुरळीत पार पाडण्यासाठी आणि शनिवारी सराव करण्यासाठी सर्व व्यवस्था करण्यात आल्याचे बसल यांनी पत्रकारांना सांगितले.

कटकमधील T20I मध्ये भारताचा संमिश्र निकाल -

भारतीय संघाने कटकमध्ये आतापर्यंत दोन टी-20 सामने खेळले असून त्यात त्यांना पराभवाचा सामना करावा लागला आहे. विशेष म्हणजे 5 ऑक्टोबर 2015 रोजी झालेल्या या सामन्यात भारताचा दक्षिण आफ्रिकेकडूनच पराभव झाला होता. या सामन्यात टीम इंडिया 17.2 षटकात केवळ 92 धावांवर ऑलआऊट झाली होती. त्यामुळे आफ्रिकन संघाने हा सामना 17.1 षटकात 6 विकेट्स राखून जिंकला.

12 जून रोजी होणार्‍या दुसऱ्या टी-20 आंतरराष्ट्रीय सामन्याच्या तिकिटांच्या विक्रीदरम्यान गुरुवारी बाराबती स्टेडियमवर गोंधळ उडाला होता. काही महिला मधूनच रांगेत पुढे आल्याने तिकीट विक्रीवरून गोंधळ निर्माण ( Huge ruckus for tickets ) झाला. त्यानंतर पोलिसांना सौम्य लाठीमार करावा लागला. सध्या या गोंधळाचा व्हिडिओ सोशल मीडियावर चांगलाच व्हायरल ( Huge ruckus for tickets Viral Video ) होत आहे.

हेही वाचा - Former Cricketer Ross Taylor : रॉस टेलरने टी 20 क्रिकेटमध्ये पुनरागमन करण्याचे दिले संकेत