मेलबर्न: ऑस्ट्रेलियाचा माजी यष्टीरक्षक पीटर नेव्हिलने ( Former Australian wicketkeeper Peter Neville ) 13 वर्षे खेळल्यानंतर शुक्रवारी सर्व प्रकारच्या क्रिकेटमधून निवृत्ती जाहीर केली. 17 कसोटी आणि नऊ टी-20 सामन्यांमध्ये ऑस्ट्रेलियाचे प्रतिनिधित्व करणाऱ्या 36 वर्षीय खेळाडूने 2016 मध्ये शेवटचा आंतरराष्ट्रीय क्रिकेट सामना खेळला होता. तेव्हापासून त्याची न्यू साउथ वेल्समध्ये विक्रमी कारकीर्द राहिली आहे.
पीटर नेव्हिलने 43 शील्ड सामन्यांमध्ये ब्लूजचे कर्णधारपद ( Blues captained in 43 Shield matches ) भूषवल्यानंतर, इतिहासातील इतर कोणत्याही खेळाडूपेक्षा जास्त आणि एनएसडब्ल्यूसाठी 100 पेक्षा जास्त शिल्ड सामने खेळलेल्या चार पुरुषांपैकी एक राहिला आहे. नेव्हिल यावर्षी फेब्रुवारीपासून मैदानात उतरला नव्हता. कारण न्यू साउथ वेल्ससाठी त्याचा हंगाम दुखापतीमुळे वेळे अगोदरच संपला होता. यष्टिरक्षकाने 310 पेक्षा जास्त झेल घेण्याचा विक्रम केला आहे आणि ब्लूजच्या सर्वकालीन बाद करण्याच्या यादीत फिल एमरी नंतर दुसऱ्या स्थानावर आहे.
नेव्हिल म्हणाला, मला नेहमीच माहित होते की, मी माझ्या करिअरच्या शेवटाजवळ होतो. माझ्यासाठी हा हंगाम निराशाजनक होता. मला वाटते की, मी माझ्या उर्वरित कारकिर्दीपेक्षा या मोसमात दुखापतीमुळे जास्त सामने गमावले आहेत. मला खूप अभिमान आहे की, मी ऑस्ट्रेलियासाठी ( Proud to have played for Australia ) खेळू शकलो आणि मी न्यू साउथ वेल्ससाठी इतके दिवस खेळू शकलो. तो म्हणाला, मी हा विचार करण्याचा प्रयत्न करतो की, मी माझ्याकडून जितके होऊ शकेल, तितके जास्तीत जास्त सर्वोत्तम कामगिरी करण्याचा प्रयत्न करेन.
नेव्हिलने 2015/16 या वर्षात ऑस्ट्रेलियासाठी 17 कसोटी सामने खेळले. त्याने 2015 च्या ऍशेस दौऱ्यावर ( 2015 Ashes tour ) लॉर्ड्स कसोटीसाठी ब्रॅड हॅडिनची जागा घेतली. त्याने सलग 17 सामने खेळले आणि संपूर्ण प्रभावशाली कामगिरी होती, परंतु बॅटने त्याची सरासरी फक्त 22.28 होती, त्यात फक्त तीन अर्धशतकांचा समावेश होता. याशिवाय, त्याने देशांतर्गत सामन्यांमध्ये 10 प्रथम श्रेणी शतकांसह 36.81 च्या सरासरीने 5,927 धावा केल्या. होबार्टमध्ये दक्षिण आफ्रिकेकडून ऑस्ट्रेलियाच्या मानहानीकारक पराभवानंतर ( Australia's humiliating defeat by South Africa ) त्याची जागी निवड समितीने मॅथ्यू वेडची यष्टिरक्षक म्हणून निवड केली.
