मुंबई - टीम इंडियाचा फिरकी गोलंदाज वरुण चक्रवर्ती फिटनेस टेस्टमध्ये अपयशी ठरला आहे. भारतीय क्रिकेट नियामक मंडळाच्या (बीसीसीआय) अधिकाऱ्याने याची पुष्टी केली. एका संकेतस्थळाच्या वृत्तानुसार, राष्ट्रीय क्रिकेट अकादमीत (एनसीए) झालेल्या फिटनेस टेस्टमध्ये फिरकीपटू वरुण अपयशी ठरला. वरुणला यो-यो चाचणी द्यावी लागली. यात तो आवश्यक असलेला १७.१ गुणांचा आकडा पार करू शकला नाही.
बीसीसीआयने ३५ खेळाडूंना फिटनेस टेस्टसाठी एनसीएकडे पाठवले होते. अहवालानुसार इंग्लंड विरुद्ध टी-२० मालिकेसाठी भारतीय संघात सहभागी असलेला दुसरा खेळाडूही फिटनेस टेस्टमध्ये अपयशी ठरला आहे.
टी-२० मालिकेला आता १० दिवस शिल्लक आहेत, त्यामुळे वरुण आणि आणखी एका खेळाडूला यो-यो टेस्टच्या दुसर्‍या फेरीसाठी पाठवले जाऊ शकते, अशी शक्यता आहे.
भारत आणि इंग्लंड यांच्यातील कसोटी मालिकेनंतर टी-२० मालिका १२ मार्चपासून मोटेरा येथील नरेंद्र मोदी स्टेडियमवर खेळली जाईल.
हेही वाचा - भारताचा लाडका क्रिकेटपटू बनला 'हिरो'....पाहा व्हिडिओ
