नवी दिल्ली : डब्ल्यूपीएलचा 14 वा सामना दिल्ली कॅपिटल्स आणि गुजरात जायंट्स यांच्यात होणार आहे. दिल्लीने आज गुजरातला हरवले तर त्यांचे प्लेऑफमधील स्थान निश्चित होईल. मुंबई इंडियन्सनंतर प्लेऑफसाठी पात्र ठरणारा तो दुसरा संघ असेल. गुजरातला आतापर्यंत झालेल्या पाच सामन्यांपैकी केवळ एकच विजय मिळवता आला आहे. मेग लॅनिंगच्या नेतृत्वाखालील दिल्लीने खेळलेल्या पाचपैकी चार सामने जिंकले आहेत.
गुजरात जायंट्स शेवटच्या स्थानावर : हरमनप्रीत कौरच्या टीम मुंबई इंडियन्सने 9 मार्च रोजी झालेल्या सामन्यात दिल्लीवर 8 विकेट्सने मात केली. कॅपिटल्सने रॉयल्स चॅलेंजर्स बंगळुरूचा दोनदा पराभव केला आहे. याशिवाय 11 मार्च रोजी झालेल्या सामन्यात मेगच्या संघाने जायंट्सचा 10 गडी राखून पराभव केला. दिल्ली कॅपिटल्सचा यूपी वॉरियर्सशी सामनाही झाला होता ज्यात त्यांनी 42 धावांनी विजय मिळवला होता. मुंबई इंडियन्स 10 गुणांसह गुणतालिकेत अव्वल स्थानावर आहे. दिल्ली कॅपिटल्स ८ गुणांसह दुसऱ्या क्रमांकावर आहे. यूपी वॉरियर्स चार गुणांसह तिसऱ्या स्थानावर आहे. रॉयल चॅलेंजर्स बंगळुरू 2 गुणांसह चौथ्या स्थानावर आहे. गुजरात जायंट्सचेही 2 गुण असून ते शेवटच्या स्थानावर आहेत.
संभाव्य दिल्ली कॅपिटल्स संघ : मेग लॅनिंग (कर्णधार), शफाली वर्मा, एलिस कॅपेसी, जेमिमाह रॉड्रिग्स, मारिझान कॅप, जेस जोनासेन, तान्या भाटिया (विकेटकीपर फलंदाज), राधा यादव, शिखा पांडे, अरुंधती रेड्डी/मिनू मणी, तारा नॉरिस हे खेळाडू आहेत. गुजरात जायंट्स संभाव्य संघ : सोफिया डंकले, एस मेघना/अश्वनी कुमारी, हरलीन देओल, ऍशले गार्डनर, लॉरा वोल्वार्ड/अ‍ॅनाबेल सदरलँड, डी हेमलता, स्नेह राणा (कर्णधार), सुषमा वर्मा, किम गर्थिया वेरेहम, तनुजा कंवर, मानसी जोशी/हर्ली गाला हे खेळाडू आहेत. क्रिकेटप्रेमी डब्ल्यूपीएलमधील गुजरात जायंट्सच्या कामगिरीवर खूश नाहीत. जायंट्सने स्नेह राणाच्या नेतृत्वाखाली चार सामने गमावले आहेत.
