सर जडेजासाठी विंडीज हेटमायर ठरतोय कर्दनकाळ, ठोकलेत ९ षटकार

आकडेवारी पहिल्यास हेटमायर जडेजासाठी कर्दनकाळ ठरला असल्याचे दिसून येते. हेटमायरने भारत दौऱ्यात आतापर्यंत ४ सामन्यात १७ षटकार ठोकले आहेत. यातील ९ षटकार त्याने रवींद्र जडेजाच्या गोलंदाजीवर लगावले आहे. दरम्यान, जडेजा टी-२० क्रिकेटमध्ये 'चालाख' गोलंदाज म्हणून प्रचलित आहे. मात्र, हेटमायर विरुद्ध तो सपशेल अपयशी ठरल्याचे दिसते.

चेन्नई - भारताविरुद्धच्या पहिल्या एकदिवसीय सामन्यात विंडीज फलंदाज शेमरॉन हेटमायरने १३९ धावांची दणकेबाज खेळी केली. याच खेळीच्या जोरावर विंडीजने हा सामना ८ गडी राखून जिंकला आणि ३ सामन्यांच्या मालिकेत १-० ने आघाडी घेतली. हेटमायरने या सामन्यात भारतीय गोलंदाजीची पिसे काढली. महत्वाचे म्हणजे, त्याने ७ षटकारांपैकी ३ षटकार रवींद्र जडेजाच्या फिरकीवर लगावले.

आकडेवारी पहिल्यास हेटमायर जडेजासाठी कर्दनकाळ ठरला असल्याचे दिसून येते. हेटमायरने भारत दौऱ्यात आतापर्यंत ४ सामन्यात १७ षटकार ठोकले आहेत. यातील ९ षटकार त्याने रवींद्र जडेजाच्या गोलंदाजीवर लगावले आहे. दरम्यान, जडेजा टी-२० क्रिकेटमध्ये 'चालाख' गोलंदाज म्हणून प्रचलित आहे. मात्र, हेटमायर विरुद्ध तो सपशेल अपयशी ठरल्याचे दिसते.

रवींद्र जडेजा

एकदिवसीय मालिकेच्या पहिल्या सामन्यात हेटमायरने १०६ चेंडूत १३९ धावांची खेळी केली. उभय संघात झालेल्या टी-२० मालिकेतही हेटमायरने लक्ष वेधले होते. त्याने ३ सामन्यात खेळताना ४० च्या सरासरीने १२० धावा केल्या. विशेष बाब म्हणजे, हेटमायर विंडीजकडून टी-२० मालिकेत सर्वाधिक धावा करणारा फलंदाज ठरला.

दरम्यान, हेटमायर पुढील दोन सामन्यात भारतीय संघासाठी डोकेदुखी ठरु शकतो. उभय संघात दुसरा सामना १८ डिसेंबरला विशाखापट्टणमच्या मैदानात रंगणार आहे.

हेही वाचा - विराट आणि स्मिथसाठी लाबुशेन बनला खतरा, कसोटी क्रमवारीत ११० वरुन टॉप-५ मध्ये दाखल

हेही वाचा - AUS Vs NZ : स्टार्कचे ९ बळी, डे-नाईट कसोटीत ऑस्ट्रेलियाचा न्यूझीलंडवर मोठा विजय