मुंबई - पाकिस्तान क्रिकेट संघ ऐतिहासिक मालिकेसाठी रविवारी इंग्लंडला रवाना झाला. पाकिस्तानच्या चाहत्यांसह अनेकांनी आपल्या क्रिकेटपटूंना शुभेच्छा दिल्या. पाकिस्तान क्रिकेट बोर्डानेही (पीसीबी) ट्विटरवरून खेळाडूंना प्रेरित केले. मात्र, या संदेशात पीसीबीने 'पाकिस्तान'ची स्पेलिंग चुकवली. या घटनेमुळे सर्व चाहते पीसीबीला ट्रोल करत आहेत.
पीसीबीच्या अधिकृत ट्विटर हँडलवरून ही चूक झाल्याने सर्व पाक चाहते नाराज झाले. अनेकांनी याबद्दल विविध प्रतिक्रिया दिल्या. एका वापरकर्त्याने ट्विटरवर लिहिले, ''आपल्या देशाचे स्पेलिंग योग्यरित्या जाणून घ्या. अधिकृत हँडल आहे, लाज बाळगा.''
या दौऱ्यावर उभय संघ तीन सामन्यांची कसोटी आणि तीन सामन्यांची टी-20 मालिका खेळणार आहेत. मात्र सामन्यांची तारीख अद्याप जाहीर केलेली नाही.
कोरोना चाचणीत पॉझिटिव्ह आलेल्या दहा पैकी सहा खेळाडू आता कोरोनामुक्त झाले असल्याचे पीसीबीने सांगितले होते. यात वहाब रियाज, मोहम्मद हाफिज, मोहम्मद रिझवान, फखर जमान, मोहम्मद हसनैन आणि शादाब खान हे क्रिकेटपटू समाविष्ट आहेत.
विंडीज-इंग्लंड मालिकेपासून आंतरराष्ट्रीय क्रिकेटचे पुनरागमन -
आंतरराष्ट्रीय क्रिकेटचे 8 जुलैपासून पुनरागमन होणार आहे. विंडीज आणि इंग्लंड या संघातील तीन कसोटी सामन्यांच्या मालिकेचा पहिला सामना 8 जुलै एजेस बाऊलवर खेळवला जाईल.
