लंडन - इंग्लंड अँड वेल्स क्रिकेट बोर्डाने (ईसीबी) मंगळवारी पाकिस्तानविरुद्धच्या तीन सामन्यांच्या टी-२० मालिकेसाठी १४ सदस्यीय संघाची घोषणा केली. पाकिस्तानविरूद्ध सुरू असलेल्या कसोटीतील इंग्लंडच्या खेळाडूंना या टी-२० संघात इंग्लंडने स्खान दिलेले नाही.
या टी-२० मालिकेचा पहिला सामना २८ ऑगस्टला, दुसरा सामना ३० ऑगस्टला आणि तिसरा सामना १ सप्टेंबरला होणार आहे. हे तीनही सामने मॅँचेस्टरच्या ओल्ड ट्रॅफर्ड येथे खेळले जातील. संघाचे नेतृत्व इयान मॉर्गन करणार आहे. त्याचबरोबर टी-२० संघात डेव्हिड मालन आणि अष्टपैलू ख्रिस जॉर्डनचा समावेश आहे. हे दोन्ही खेळाडू दुखापतीमुळे त्रस्त होते आणि आयर्लंडविरुद्धच्या एकदिवसीय मालिकेत संघाचा भाग नव्हते.
यासह, सहाय्यक प्रशिक्षक ग्राहम थॉर्पे या टी-२० मालिकेसाठी मुख्य प्रशिक्षकाची भूमिका साकारतील. त्याला सहाय्यक प्रशिक्षक पॉल कॉलिंगवूड सहाय्य करेल, तर मार्कस ट्रेस्कोथिकला फलंदाजी प्रशिक्षक म्हणून नियुक्त केले आहे, असे ईसीबीने स्पष्ट केले.
इंग्लंडचा १४ सदस्यीय संघ : इयान मॉर्गन (कर्णधार), मोईन अली, जॉनी बेअरस्टो (यष्टीरक्षक), टॉम बंटन, सॅम बिलिंग्ज, टॉम करन, जो डेन्ली, लुईस जॉर्जी, ख्रिस जॉर्डन, शाकिब महमूद, डेव्हिड मालान, आदिल रशीद, जेसन रॉय , डेव्हिड विले.
राखीव खेळा डूः पॅट ब्राऊन, लियाम लिव्हिंगस्टोन, लीस टॉप्ले.
