लंडन - कोरोनाग्रस्ताच्या मदतीसाठी इंग्लंडचा क्रिकेटपटू जोस बटलरने २०१९ च्या विश्वकरंडकामधील जर्सीचा लिलाव करण्याचा निर्णय घेत, ती जर्सी लिलावासाठी ठेवली होती. त्या जर्सीवर मागील सहा दिवस बोली लावली जात होती. त्यानंतर त्याची विक्री करण्यात आली.
बटलरने काही दिवसांपूर्वी कोरोनाग्रस्तासाठी निधी गोळा करण्याचा निर्णय घेतला होता. यात त्याने २०१९ च्या विश्व करंडकाच्या अंतिम सामन्यामध्ये घातलेली जर्सीचा लिलाव करण्याचा निर्णय घेतला होता. या जर्सीच्या लिलावातून मिळणारे पैसे त्याने कोरोनाग्रस्तांच्या उपचारासाठी देणार असल्याचे जाहीर केले होते. बटलरच्या जर्सीला ८० हजार डॉलर इतकी बोली मिळाली. भारतीय चलनात सांगायचे बटलरच्या जवळपास ६० लाख रुपये मिळाले आहेत.
लिलावामध्ये चांगली बोली मिळाल्यानंतर, माझ्यासाठी ही एक खास जर्सी आहे. पण सध्याच्या परिस्थितीत त्याचा उपयोग होऊ शकतो. हे माझ्यासाठी आनंददायी आहे, असे सांगितले. दरम्यान, बटलरच्या या निर्णयावर अनेक क्रिकेटपटूंनी सोशल मीडियावरून त्याचे कौतुक केले आहे.
१४ जुलै २०१९ ला यजमान इंग्लंड आणि न्यूझीलंड यांच्यात विश्वकरंडक स्पर्धेचा अंतिम सामना झाला. दोन्ही संघांनी ५० षटकात समान धावा केल्याने सामना सुपर ओव्हरमध्ये गेला. सुपर ओव्हरमध्ये देखील सामना 'टाय' झाल्यावर सर्वाधिक चौकार मारणाऱ्या इंग्लंड संघाला विजेतेपद देण्यात आले होते.
अंतिम सामन्यात जोस बटलरने इंग्लंडच्या विजयात महत्त्वाचा वाटा उचलला होता. त्याने या सामन्यात अर्धशतक झळकावले. शिवाय, सुपर ओव्हरपर्यंत रंगलेल्या लढतीत शेवटच्या चेंडूवर मार्टिन गप्टिललाही धावबाद केले होते.
हेही वाचा - भारतीय खेळाडूने निवडला भारत-पाकचा सर्वोत्तम कसोटी संघ, पाक खेळाडूकडे नेतृत्व
हेही वाचा - 'हिटमॅन' रोहित म्हणाला.. युवराज माझा क्रश होता
