रिकी पाँटिंग म्हणातो... स्टिव स्मिथची 'ती' खेळी अलौकिक

ऑस्ट्रेलियाचा माजी कर्णधार रिंकी पाँटिंग म्हणाला की, 'स्मिथच्या खेळीविषयी भाष्य करताना अनेक शब्द सुचले. मात्र, अलौकिक हा एकच या खेळीचे वर्णन करण्यासाठी पुरेसा आहे. त्याने संस्मरणीय खेळी केली असून  त्याने स्वत:ला पुन्हा सिद्ध केले आहे.' अशा शब्दात पाँटिंगने स्मिथचे कौतुक केले.

सिडनी - इंग्लंड विरुध्द ऑस्ट्रेलिया संघामध्ये प्रतिष्ठित अॅशेस मालिका सुरू आहे. या मालिकेतील चौथ्या सामन्यात, पहिल्या डावामध्ये फलंदाजी करताना, ऑस्ट्रेलिया फलंदाज स्टिव स्मिथने धमाकेदार द्विशतक ठोकले. स्मिथची ही खेळी अ‍ॅशेस कसोटी सामन्यातील अलौकिक असल्याचे ऑस्ट्रेलियाचा माजी कर्णधार रिकी पाँटिंगने म्हटले आहे.

स्टिव स्मिथ हा चेंडू फेरफार प्रकरणात १२ महिन्यांची बंदीची शिक्षा भोगल्यानंतर मैदानात परतला आहे. बंदीनंतर स्मिथ पहिलीचा अॅशेस मालिका खेळत आहे. त्याने या मालिकेत धावांचा पाऊस पाडला असून मँचेस्टरच्या ओल्ड ट्रॅफर्ड मैदानात सुरू असलेल्या चौथ्या कसोटी सामन्यात २११ धावांची नेत्रदीपक खेळी केली.

यावर बोलताना ऑस्ट्रेलियाचा माजी कर्णधार रिंकी पाँटिंग म्हणाला की, 'स्मिथच्या खेळीविषयी भाष्य करताना अनेक शब्द सुचले. मात्र, अलौकिक हा एकच या खेळीचे वर्णन करण्यासाठी पुरेसा आहे. त्याने संस्मरणीय खेळी केली असून त्याने स्वत:ला पुन्हा सिद्ध केले आहे.' अशा शब्दात पाँटिंगने स्मिथचे कौतुक केले.

दरम्यान, स्टिव स्मिथने मागील आठवड्यात भारतीय कर्णधार विराट कोहलीला मागे टाकत आयसीसी कसोटी क्रमवारीमध्ये प्रथम क्रमांक पटकावले आहे. स्मिथने सुरु असलेल्या अॅशेसमध्ये उल्लेखनीय कामगिरी केल्याने, ऑस्ट्रेलियातील प्रसारमाध्यमांनी स्मिथला डॉन ब्रॅडमनची उपमा दिली आहे.