McDonald Covid Infected : अँड्र्यू मॅकडोनाल्ड कोरोना पॉझिटिव्ह, श्रीलंका दौऱ्याच्या सुरुवातीच्या भागातून बाहेर

ऑस्ट्रेलियाचे मुख्य प्रशिक्षक अँड्र्यू मॅकडोनाल्ड हे कोरोना पॉझिटिव्ह ( McDonald Covid infected ) आढळले आहेत. तसेच ते श्रीलंका दौऱ्याच्या पहिल्या भागातून बाहेर राहतील. ऑस्ट्रेलियन संघ श्रीलंकेला रवाना होण्यापूर्वी बुधवारी घेतलेल्या चाचणीत 40 वर्षीय मॅकडोनाल्ड पॉझिटिव्ह आढळले. ते आठवडाभर मेलबर्नमध्ये आयसोलेशनमध्ये राहतील आणि 8 जून रोजी होणाऱ्या दुसऱ्या टी-20 सामन्यापूर्वी तो कोलंबोमध्ये संघात सामील होतील.

मेलबर्न: ऑस्ट्रेलियाचे मुख्य प्रशिक्षक अँड्र्यू मॅकडोनाल्ड बुधवारी श्रीलंका दौऱ्यासाठी आपल्या संघासह निघू शकले नाहीत. कारण माजी कसोटीपटूंना कोविड-19 ची लागण झाल्याचे आढळून आले ( Australia Head Coach Mcdonald Covid Infected ) आहे. ऑस्ट्रेलिया 7 जून रोजी कोलंबो येथे T20I सह द्वीप राष्ट्रासोबत महिनाभराचा दौरा सुरू करेल आणि 40 वर्षीय मुख्य प्रशिक्षक या सामन्याला उपस्थित राहण्याची शक्यता नाही. सहा वर्षांतील ऑस्ट्रेलियाचा हा पहिलाच श्रीलंका दौरा आहे.

क्रिकेट डॉट कॉम डॉट एयू मधील एका अहवालात असे म्हटले आहे, की सहाय्यक प्रशिक्षक मायकेल डी वेनूटो ( Assistant coach Michael de Venuto ) सुरुवातीच्या टी-20 मध्ये संघाचे नेतृत्व करतील आणि मॅकडोनाल्ड दुसऱ्या सामन्यापासून उपलब्ध होण्याची शक्यता आहे. ऑस्ट्रेलिया तीन टी-20 आंतरराष्ट्रीय सामने खेळणार आहे, त्यानंतर पाच एकदिवसीय सामने खेळणार आहेत, या दौऱ्याचा समारोप (29 जून ते 3 जुलै आणि 8-12 जुलै) दोन कसोटी सामन्यांसह होईल.

मॅकडोनाल्डला आशा होती की, त्याला या प्रवासात कोचिंग स्टाफची साथ मिळेल.''आम्ही वेगवेगळ्या टूरसाठी वेगवेगळ्या वेळी काही प्रशिक्षक वापरू शकतो आणि वेगवेगळ्या आव्हानांना तोंड देऊ शकतो. असे केल्याने आपल्या कामावर परिणाम होणार नाही.''

हेही वाचा - BCCI President : सौरव गांगुलीचा मोठा निर्णय; दादाने दिला बीसीसीआयच्या अध्यक्षपदाचा राजीनामा