इंडियन आयडॉलच्या Indian Idol 12 च्या अंतिम फेरीत पवनदीप राजन विजेता ठरला तर अरुणिता कांजीलाल ही पहिली तर सायली कांबळे दुसरी रनरअप ठरली आहे. मराठमोळी सायली कांबळे आहे तरी कोण याबद्दल जाणून घेऊयात.
कोण आहे सायली कांबळे?
सायली कांबळेचा जन्म मुंबईतील एका मध्यमवर्गीय कुटुंबात झाला. तिचे वडील रुग्णवाहिकेचे चालक असून आई गृहिणी आहे.
संगीतकार आनंदजी यांनी सायलीचे नाव बदलून सायली किशोर कांबळे असे नामकरण केले होते.
सायलीला लहानपणापासूनच गायनाची आवड होती. तिच्या आई वडिलांनी तिची ही आवड जोपासली आणि तिच्या पाठीशी ठाम उभे राहिले. गायनाचा छंदच तिचा श्वास बनला आणि प्रसिध्दी मिळाली. पालकांच्या मदतीने तिने शास्त्रीय गायनाचे धडे घेतले. अगदी सुरुवातीपासूनच तिने वेगवेगळ्या गायनाच्या स्पर्धा, इव्हेन्ट्स आणि कॉन्सर्ट्समध्ये भाग घ्यायला सुरुवात केली.
व्हाईस ऑफ इंडिया या गायनाच्या सोमध्ये तिने सहभाग घेतला होता. तसेच तिने गौरव महाराष्ट्राचा या टीव्हीवरील मराठी शोमध्येही सहभाग घेतला होता.
मराठी गायिका म्हणून ती प्रसिध्द होऊ लागली होती आणि तिने राज्यभर गायनाचे कार्यक्रम केले आहेत.
सायली गायक म्हणून कारकिर्द करीत असली तरी तिने स्टॅटेस्टीक्स विषयामध्ये पदव्यूत्तर शिक्षण घेतले आहे.
इंडियन आयडॉलच्या 12 व्या सिझनमध्ये तिने सहभाग घेतला आणि तिचे हिंदी गायन सुरू झाले. गोल्डन मायक्रोफोन जिंकणारी ती पहिली स्पर्धक ठरली होती. अशा तऱ्हेने सायली कांबळे आता इंडियन आयडॉलची दुसरी रनरअप ठरली आहे.
इंडियन आयडॉलच्या Indian Idol 12 च्या अंतिम फेरीत पवनदीप राजन या स्पर्धकाने बाजी मारली आहे. अरुणिता कांजीलाल ही पहिली तर सायली कांबळे दुसरी रनरअप ठरली. अरुणिता कांजीलाल (Arunita Kanjilal), निहाल तोरो (Nihal Tauro), सायली कांबळे (sayali kamble), दानिश खान (Danish Khan), शनमुखप्रिया (Shanmukhpriya) आणि पवनदीप राजन (Pawandeep Rajan) इंडियन आयडॉलच्या अंतिम फेरीत होते.
हेही वाचा - Indian Idol12 : विजेतेपद जिंकणे माझ्यासाठी फक्त अविश्वसनीय पवनदीप राजन
