मुंबई - गेल्या वर्षी लॉकडाऊनमुळे सगळी शुटिंग्स बंद ठेवावी लागली होती. त्यामुळे मालिकेतील नवीन एपिसोड्स प्रेक्षकांना बघायला मिळत नव्हते. त्यांना ‘रिपीटस’ वरच समाधान मानावं लागत होते. आता महाराष्ट्रात पुन्हा लॉकडाऊन लागला असून कुठल्याही शूटिंगला परवानगी नाहीये. परंतु, निर्माते सजग झाले आहेत. त्यामुळेच जवळपास सर्व वाहिन्यांवरील सर्वच मालिकांच्या निर्मात्यांनी मालिकांचे चित्रीकरण तातडीने महाराष्ट्राबाहेर हलविले आहे. सब टीव्हीवरील ‘वागले की दुनिया – नयी पीढी नये किस्‍से' ही मालिकेचे सर्व युनिट सिल्वासा मध्ये असून तिथे सर्व शूटिंग केलं जात आहे. फक्त वरिष्ठ कलाकारांना तूर्तास मुंबईतच राहण्यास सांगण्यात आले आहे. टेलिव्हिजनवरील लोकप्रि‍य मालिकांपैकी एक सोनी सबवरील मालिका 'वागले की दुनिया – नयी पीढी नये किस्‍से' नवीन एपिसोड्ससह परतत आहे. यात जुन्‍या आठवणींना उजाळा देत विलक्षण दैनंदिन कथांना सादर करणे सुरूच ठेवेल.
वागले की दुनिया – नयी पीढी नये किस्‍से' राजेश वागळे (सुमीत राघवन) कुटुंबासोबत सुट्टी एन्जॉय करण्‍यासाठी त्यांना एका रिसोर्टवर घेऊन जातो. पण तेथे पोहोचल्‍यानंतर त्‍याला समजते की, त्‍याच्‍या सूटकेसची अदलाबदल झाली आहे. वंदना (परिवा प्रणती) रिसॉर्टच्‍या कर्मचाऱ्यांच्या मदतीने राजेशसाठी काही कपड्यांची व्‍यवस्‍था करते. पूर्णत: लॉकडाऊनची घोषणा करण्‍यात येते, ज्‍यामुळे मुले अत्‍यंत दु:खी व निराश होतात. राजेश मुलांच्‍या मनोरंजनासाठी उत्तम युक्‍ती लढवतो आणि त्यांना बिकट परिस्थितीशी जुळवून घेण्‍याची उत्तम शिकवण देतो. तो तग धरण्याच्या खेळाची योजना आखतो, जेथे मुलांना तग धरून राहण्‍यासाठी अन्‍न व पाणी आणावे लागते. हर्षद (अमित सोनी) व ज्‍योती (भक्‍ती चौहान) हे रिसॉर्टमध्‍ये वागळे कुटुंबाला भेटतात आणि ते देखील आनंदाने या गेममध्‍ये सहभाग घेतात.
राजेशची भूमिका साकारत असलेले सुमीत राघवन म्हणाला, ''राजेश मुलांना जीवनातील गोष्‍टींचा आनंद घेण्‍याचे महत्त्व सांगण्‍याचा आणि त्‍याच्‍यापरीने जीवनाबाबत शिकवण देण्‍याचा प्रयत्‍न करत आहे. म्‍हणून मी माझ्या सर्व चाहत्‍यांना घरीच राहण्‍याचे आवाहन करतो. आमच्‍या चाहत्‍यांसाठी नवीन एपिसोड्ससह परतल्‍याने खूपच चांगले वाटत आहे. आम्‍ही प्रेक्षकांच्‍या लिव्हिंग रूम मनोरंजनाने भरण्‍यासाठी आणि अशा आव्‍हानात्‍मक काळामध्‍ये सकारात्‍मकता व आनंदाचा प्रसार करण्‍यासाठी सर्वतोपरी मेहनत घेत आहोत. मी आशा करतो की, हे नवीन एपिसोड्स तुम्‍हाला उत्‍साहित करण्‍यासोबत आनंद पसरवतील.''मालिकेची पटकथा पुढे प्रेक्षकांसाठी रिसॉर्टमध्‍ये घडणाऱ्या अनेक घटना सादर करणार आहे. वंदना रिसॉर्टमध्‍ये शेफ बनते. तिने हे पाऊल का उचलले आणि ती कुटुंबापासून हे सर्व का लपवत आहे, याबाबत जाणून घेणे प्रेक्षकांसाठी रोमांचक असणार आहे. आगामी एपिसोड्समध्‍ये दक्षेशची (दीपक पारीक) पत्‍नी यामिनीचा (मानसी जोशी) प्रवेश होताना पाहायला मिळणार आहे. दुसरीकडे, वागळे कुटुंब वंदनाचा ४०वा वाढदिवस साजरा करण्‍यासाठी तयारी करत आहे. वंदना यामध्‍ये कोणती भूमिका बजावते आणि वागळे कुटुंब ठरवलेल्‍या पद्धतीने वंदनाचा वाढदिवस साजरा करू शकतील का हे पाहणे नेहमीप्रमाणेच गमतीचे ठरणार आहे.वंदनाची भूमिका साकारणा-या परिवा प्रणती म्‍हणाल्‍या, ''मला आमच्‍या चाहत्‍यांसाठी नवीन एपिसोड्स सादर करण्‍याकरिता सेटवर परतण्‍याचा आनंद होत आहे. टीम सेटवर कडक सुरक्षितता व स्‍वच्‍छताविषयक नियमांचे काटेकोरपणे पालन करत आहे. 'वागले की दुनिया' च्‍या माध्‍यमातून आम्‍ही अर्थपूर्ण व मूल्याधारित चुटके सादर करण्‍याचा, तसेच प्रेक्षकांचे मनोरंजन करण्‍याचा प्रयत्‍न करत आलो आहोत. मी आशा करतो की, प्रेक्षकांसाठी आगामी पटकथा सर्वसमोवशक व रोमांचक असेल आणि यामुळे मनोरंजनाचा दर्जा नव्‍या उंचीवर पोहोचेल.”'वागले की दुनिया – नयी पीढी नये किस्‍से' ही मालिका प्रसारित होते दर सोमवार ते शुक्रवार रात्री ९ वाजता सोनी सबवर.
