तरुण जोडपी, खासकरून नुकतीच लग्न झालेली असतील तर त्यांच्याकसे समाजाचे जरा जास्तच आणि बारीक लक्ष असते. अर्थात हा ‘सामाजिक’ स्वभाव आहे आणि त्याला कोणी काही करू शकत नाही. रोहित आणि रेवा, आत्ताच लग्न झालेलं, एकमेकांच्या सुपर प्रेमात असलेलं एक कपल, एकदम गुटर्रर्रर्रगूं! पण त्यांच्या नवरा बायकोच्या रोलबद्दलच्या कॉन्सेप्ट्स जरा उलट्यापालट्या आहेत. पण आजूबाजूची जालिम दुनिया त्यांना पाहिजे तसं जगू देत नाही. घरात येणाऱ्या मदतनीस ताईंपासून ते पार्कातल्या काकांपर्यंत आणि मित्रमैत्रिणींपासून ते दोघांच्या सासवांपर्यंत सगळे मिळून या दोघा बिचाऱ्यांना सॉलिड सासुरवास उर्फ मेंटल टॉर्चर करताहेत. ही एक ‘हौस हजबंड' (Haus Husband) नावाची कथा असून 'स्टोरीटेल मराठी'ची नवीन पेशकश आहे.
- " class="align-text-top noRightClick twitterSection" data="">
'स्टोरीटेल मराठी' या जगविख्यात ऑडिओबुकने खास नव्याने तयार केलेल्या त्यांच्या ओरिजनल ऑडिओबुक सिरीजमध्ये हे दांपत्य लग्नानंतर प्रथमच एकत्र आले आहेत. 'हौस हजबंड' (Haus Husband) असं नाव असलेली ही ओरिजनल धम्माल ऑडिओ सिरीज 'स्टोरीटेल मराठी'ने तयार करून नवा पायंडा रचला आहे. वरील कथेत त्यांची म्हणजेच रोहित आणि रेवा या दोघांची टीम सॉलिड राहते का? त्यांच्यात जालिम दुनिया फूट पाडते? रेवाचा स्वयंपाक आणि रोहितचा जॉब या किश्श्याचं नेमकं काय होतं? त्याची एक सॉलिड रोमँटिक यूथफुल गोष्ट म्हणजेच 'स्टोरीटेल मराठी'ची ' हौस हजबंड'(Haus Husband).
लाखो तरुणींच्या हृदयांची धडकन वाढविणारा चॉकलेट बॉय अर्थात गोड ‘गुलाबजाम’ सिद्धार्थ चांदेकर आणि ‘बोल्ड अँड ब्युटीफुल’ मिताली मयेकर या मराठी सिनेइंडस्ट्रीतील हॉट जोडीनं अलीकडेच लग्न केले आणि कित्येक तरुण-तरुणींचे हार्ट ब्रेक झाले. पण आता त्यांच्या फॅन्ससाठी एक आनंदाची बातमी आहे. मराठी चित्रपट आणि मालिकांद्वारे उत्तम अभिनय कौशल्यामुळे सिद्धार्थ मितालीच्या जोडीने प्रेक्षकांच्या मनावर अधिराज्य गाजवले आहेच आता ते आपल्या आवाजाच्या जादूनेही रसिकांना घायाळ करणार आहेत. लोखो प्रेक्षकांना आपल्या अदांनी घायाळ करणाऱ्या या रोमॅंटिक दांपत्याच्या वैवाहिक आयुष्याशी साधर्म्य सांगणाऱ्या 'हौस हजबंड' (Haus Husband) मध्ये नेमका दडलंय काय याचा शोध घेण्यासाठी ही कथा ऐकावीच लागेल.
'फिरंग' सीजन १, २ तसेच 'तो ती आणि तिचा' सीजन १, २ या प्रचंड लोकप्रिय ठरलेल्या 'स्टोरीटेल मराठी'च्या ओरिजनल रंगतदार रोमॅंटिक ऑडिओबुक सिरीजच्या यशस्वी निर्मितीसोबतच या नव्या माध्यमाशी एकरूप झालेल्या चतुरस्र युवा लेखिका गौरी पटवर्धन यांच्याच लेखनीतून 'हाऊस हजबंड'(Haus Husband) उतरले आहे. आधीच्या दोन्ही सिरीजप्रमाणेच या सीरिजलाही साहित्यप्रेमी प्रचंड प्रतिसाद देतील असा विश्वास 'स्टोरीटेल मराठी'ला आहे.
'स्टोरीटेल'द्वारे सर्व भारतीय भाषांमध्ये ऑडिओबुक्सची निर्मिती केली जात आहे आणि त्याला साहित्यप्रेमी वाचक श्रोत्यारसिकांचा अमाप प्रतिसाद मिळू लागला आहे.
हेही वाचा - राज कुंद्राने दिली क्राइम ब्रांचला लाच? फरार आरोपीचा दावा
