मुंबई - अभिनेत्री श्रृती हसन लवकरच काजोलसोबत मल्टीस्टारर असलेल्या 'देवी' या शॉर्टफिल्ममध्ये भूमिका साकारताना दिसणार आहे. काही दिवसांपूर्वीच 'देवी'चा ट्रेलर प्रदर्शित झाला आहे. विशेष म्हणजे यामध्ये सर्व महिला कलाकारांच्या भूमिका पाहायला मिळणार आहेत. या शॉर्टफिल्मचा प्रवास अविस्मरणीय असल्याचे श्रृतीने सांगितले आहे. 'देवी'च्या अभिनेत्रींसोबतचा एक फोटो शेअर करुन तिने काही आठवणींना उजाळा दिला आहे.
'देवी' शॉर्टफिल्ममध्ये भूमिका साकारण्याचा अनुभव हा अविस्मरणीय आहे. यातील महिला कलाकारांसोबत भरपूर धमाल केली. त्यांच्याशी एक नातं तयार झालं आहे. मला वाटलं, की प्रत्येकीविषयी काहीतरी लिहावं, म्हणून ही पोस्ट..', असे लिहून श्रृतीने प्रत्येक अभिनेत्रीची प्रशंसा केली आहे.
- " class="align-text-top noRightClick twitterSection" data="
">
हेही वाचा -विजय देवरकोंडासोबत स्टायलिश अंदाजात दिसणार अनन्या, सेटवरचा फोटो व्हायरल
या शॉर्टफिल्ममध्ये काजोल, नेहा धुपिया, नीना कुलकर्णी, श्रृती हसन, मुक्ता बर्वे, शिवानी रघुवंशी, संध्या म्हात्रे आणि रमा जोशी यांची मुख्य भूमिका पाहायला मिळणार आहे.
प्रियांका बॅनर्जीने या शॉर्टफिल्मचे दिग्दर्शन केले आहे. तर, रेयान स्टीफन आणि निरंजन अयंगर यांनी शार्टफिल्मची निर्मिती केली आहे. एका खोलीत ९ महिला कोणत्या परिस्थितीत राहतात. वेगवेगळी पार्श्वभूमी असलेल्या या महिलांच्या आयुष्यात कोणती आव्हाने आहेत, त्या या आव्हानांचा सामना कसा करतात, हे या शॉर्टफिल्ममध्ये पाहायला मिळणार आहे. २ मार्चला ही शॉर्टफिल्म प्रदर्शित होईल.
- " class="align-text-top noRightClick twitterSection" data="">
हेही वाचा - ट्रेलर प्रदर्शित होण्यापूर्वी 'सूर्यवंशी'चं मोशन पोस्टर रिलीज, पाहा खिलाडीचा दमदार लुक
