मुंबई - अभिनेता आशुतोष भाकरे याने २९ जुलै रोजी आपल्या नांदेड येथील घरी आत्महत्या केली होती. तो काही दिवस नैराश्येतून जात होता. मुंबईत त्याच्यावर उपचारही सुरू होते. लॉकडाऊन काळात तो अभिनेत्री पत्नी मयुरी देशमुखसह नांदेडला आपल्या आई वडिलांच्या घरी आला होता. आता त्याच्या आत्महत्येला दोन आठवडे पूर्ण झालेत. ११ ऑगस्ट रोजी त्याचा वाढदिवस होता. मात्र, तो साजरा करण्यासाठी आशु आज या जगात नाही. याचे दुःख त्याच्या पत्नीला झाले आहे. तिने आशुतोषच्या वाढदिवसाच्या आठवणीत एक भावनिक पोस्ट लिहिली आहे. यात तिने इन्स्टाग्रामवर एक केकचा फोटो शेअर केला आहे.
अभिनेत्री मयूरी देशमुखने लिहिलंय,
“आशुडा,
तुझ्या वाढदिवसाला उत्तम केक बनावा यासाठी मी लॉकडाऊनच्या काळात ३० केक बनवले. त्या तीसही केकची पहिली चव तुज चाखली होतीस, पण याची...३० वाढदिवस आधीच साजरे करण्याची तुझी ही पद्धत होती का? तुझ्या प्रियजनांसाठी तू असंख्य प्रश्न अनुत्तरीत सोडले आहेस...
तू ही गोष्ट भ्याडपणातून केलेली नाहीस हे आम्हाला माहिती आहे, तर हे तूझ्या असाहय्यपणातून, डिप्रेशनमुळे आलेल्या मोठ्या संघर्षातून घडले आहे...पण गुणी बाळ माझं ते, आपण त्याच्या पाभव करण्याच्या जवळ पोहोचलो होतो आणि आपण किती काम करीत होतो...प्रत्येक गोष्टीतून थोडे अधिक आवश्यक होते ....
प्रत्येक दिवशी, प्रत्येक सेकंदाला, थोडे अधिक धैर्य, संयम आणि एक दीर्घ निरोगी आनंदी आयुष्याची वाट पाहत होतो...आपल्यासाठी...मला अर्ध्या रस्त्यात सोडल्याबद्दल मी तुझ्यावर रागवावं की जितका वेळ माझ्यासोबत होतास याबद्दल तुझे आभारी असावं? पण यामुळे काय फरक पडतो? तुझ्या आत्म्याचा शांततेने प्रवास व्हावा आणि देवदूतांनी तुला योग्य मार्गदर्शन करावे, अशी प्रार्थना आम्ही सतत करत आहोत. देवदूतांचे ऐक. आता नेहमीसारखा हट्टीपणा करु नकोस.
मी, अभी, मम्मी, पप्पा तुझ्यावर खूप प्रेम करतो आणि तू सोबत असताना आम्ही ते पुरेसे व्यक्त केले असावे, अशी अपेक्षा आहे. इतक्या वेदना होत असतानाही तू माझ्यावर इतकं प्रेम केलंस, मी सुद्धा तसेच करेल.
वाढदिवसाच्या शुभेच्छा.!!!
तुझीच,
बायको तुझी नवसाची
असे लिहित मयुरीने #baaykotujhinawasachi असा हॅशटॅग वापरला आहे.
- " class="align-text-top noRightClick twitterSection" data="
">
'खुलता खळी खुलेना ' या मालिकेतील भूमिकेमुळे मयुरी प्रसिद्धीच्या झोतात आली होती. तिने लिहिलेले व दिग्दर्शित केलेले नाटक ' डीअर आजो'ने प्रचंड लोकप्रियता मिळवली आहे. याशिवाय 'डॉ. प्रकाश बाबा आमटे ३१ दिवस 'अशा काही चित्रपटात ती झळकली आहे. आशुतोषने देखील ' भाकर ' व ' ईचार ठरला पक्का 'या चित्रपटात काम केले आहे. आशुतोष व मयुरी देशमुख २१ जानेवारी २०१६ ला लग्नबंधनात अडकले होते. मयुरी ही सार्वजनिक बांधकाम विभागातील सेवानिवृत्त कार्यकारी अभियंता पी. वाय. देशमुख यांची मुलगी आहे. २०१७ मध्ये मयुरीने व्हॅलेंटाईन डे च्या निमित्ताने एका वर्तमानपत्रात लिहिलेल्या लेखात आपली लव्हस्टोरी सांगितली होती. आशुतोषच्या आत्महत्येमुळे भाकरे व देशमुख कुटुंबीयांच्या चाहत्यांना मोठा धक्का बसला आहे.
