मुंबई - अभिनेत्री मुक्ता बर्वे आणि 'आनंदी गोपाळ' चित्रपटातून नावारुपास आलेला ललित प्रभाकर या दोघांची जोडी लवकरच एका चित्रपटात झळकणार आहे. 'स्माईल प्लिज' असे त्यांच्या आगामी चित्रपटाचे नाव आहे. नुकताच या चित्रपटाचा फर्स्ट लूक प्रदर्शित झाला आहे.
मुक्ता आणि ललित प्रभाकर व्यतिरिक्त या चित्रपटात प्रसाद ओक आणि आदिती गोवारीकर हे देखील झळकणार आहेत. या चित्रपटाचे दिग्दर्शन विक्रम फडणीस हे करत आहेत. या चित्रपटाचा टीजर ११ जूनला प्रेक्षकांच्या भेटीला येणार आहे. तर, ट्रेलर २६ जूनला प्रदर्शित केला जाणार आहे.
एव्हरेस्ट एंटरटेनमेंट प्रस्तुत, सनशाईन स्टुडिओच्या सहयोगाने, हॅशटॅग फिल्म स्टुडिओ आणि क्रित्यावत प्रॉडक्शन निर्मित 'स्माईल प्लीज' हा चित्रपट १९ जुलै रोजी प्रदर्शित होत आहे.
