मुंबई - अभिनेता कार्तिक आर्यन आणि अनन्या पांडे दोघांची जोडी लवकरच 'पती, पत्नी और वो' चित्रपटाच्या रिमेकमध्ये झळकणार आहे. या चित्रपटाच्या शूटिंसाठी कार्तिक आर्यन लखनौला रवाना देखील झाला आहे. तर, त्याने या सेटवरचा फोटोदेखील चाहत्यांसोबत शेअर केला आहे. कार्तिकच्या लूकनंतर आता अनन्या पांडेचाही एक फोटो समोर आला आहे. सोशल मीडियावर सध्या तिच्या या लूकची बरीच चर्चा पाहायला मिळतेय.
सोशल मीडियावर अनन्याचा हा व्हायरल झालेला फोटो पाहून तो या चित्रपटातीलच लूक आहे का, असा प्रश्न चाहत्यांना पडला आहे. या फोटोमध्ये ती पिवळ्या रंगाच्या आऊटफिटमध्ये अतिशय स्टाईलिश लूकमध्ये पाहायला मिळतेय.
- " class="align-text-top noRightClick twitterSection" data="
">
अनन्याने 'स्टूडंट ऑफ द ईयर' चित्रपटातून बॉलिवूड डेब्यु केले आहे. हा चित्रपट फारसा यशस्वी ठरला नाही. मात्र, या चित्रपटातील अनन्याच्या भूमिकेमुळे तिला बऱ्याच चित्रपटांच्या ऑफर्स मिळाल्या आहेत. 'पती, पत्नी और वो'च्या रिमेकमध्ये तिच्यासोबत भूमी पेडणेकर देखील भूमिका साकारणार आहे.
हा चित्रपट १९७८ साली आलेला संजीव कुमार यांच्या 'पती, पत्नी और वो'चा रिमेक आहे. त्यामुळे आता कार्तिक आर्यन, अनन्या पांडे आणि भूमी पेडणेकर या तिघांची केमेस्ट्री प्रेक्षकांच्या पसंतीस उतरते का हे पाहणे रंजक ठरणार आहे.
