राज्यातील ग्रामीण महिला बचत गट आणि महिला उद्योजिकांना आपले पाककौशल्य जनतेसमोर मांडण्यासाठी व्यासपीठ उपलब्ध करून देण्याच्या हेतूने, 'श्री राधा फाऊंडेशन'च्या वतीने 21 ते 23 फेब्रुवारी दरम्यान या महोत्सवाचे चेंबूर आयोजन करण्यात आले आहे. या महोत्सवात कोकण, खानदेश, मराठवाडा, पश्चिम महाराष्ट्र, विदर्भ या प्रांतातील पदार्थांची चव या महोत्सवातून खवय्यांना घेता येणार आहे.
मुख्यमंत्री उद्धव ठाकरे हे आज पंतप्रधान नरेंद्र मोदी यांच्या भेटीसाठी दिल्लीमध्ये आहेत. यावर बोलताना खासदार राहुल शेवाळे म्हणाले, की राज्यात जीएसटीतून जो कर मिळतो त्या करामध्ये केंद्राकडून थोडेफार दिरंगाई होत आहे. तसेच राज्यातील शेतकऱ्यांच्या विविध समस्या व केंद्राकडून आर्थिक सहाय्यासाठी आज दिल्लीमध्ये पंतप्रधान नरेंद्र मोदी यांची भेट घेणार आहेत. राज्यात महाविकास आघाडीचे सरकार असल्यामुळे सोनिया गांधी यांचीही मुख्यमंत्री भेट घेणार आहेत. एमआयएमचे माजी आमदार वारीस पठाण यांनी नुकतेच एका सभेत आक्षेपार्ह विधान केले होते. त्या विधानावर शिवसेनेचा कायमच विरोध आहे आणि शिवसेना वेळ आल्यावर योग्य तो निर्णय घेईल असे राहुल शेवाळे म्हणाले.
