मुंबई - आपला संपूर्ण समाज संगीतप्रिय आहे. प्रत्येक समारंभात संगीत हा अविभाज्य भाग असतो. त्यामुळेच चित्रपटसंगीताबरोबरच सिंगल्स बनत असतात व अलीकडच्या काळात त्यांचे व्हिडीओ म्युझिक अल्बम्स बनत असतात. तर असाच एक नवीन म्युझिक अल्बम येतोय ज्यात ‘लागीर झालं जी’ फेम शिवानी बावकर ‘लग्नाची पिपाणी’ वाजवताना दिसणार आहे. म्हणजे ती प्रत्यक्ष ‘पिपाणी’ वाजवणार नसून त्यात अभिनय करताना दिसणार आहे. ही शिवानी बावकरची ‘लग्नाची पिपाणी' सप्तसूर म्युझिकच्या युट्यूब चॅनेलवर प्रदर्शित होत आहे. सचिन कांबळे आणि शिवानी बावकर ही नवी जोडी या गाण्यात दिसणार आहे.
म्युझिक व्हिडिओची निर्मिती सुधाकर फाळके आणि प्रकाश फाळके यांनी केली आहे. तर म्युझिक व्हिडिओचं दिग्दर्शन प्रकाश फाळके यांचं आहे. दिनकर खाडे यांचं गीत मधुर मिलिंद शिंदे यांनी संगीतबद्ध करून गायलं आहे. सचिन कांबळे यांनी नृत्य दिग्दर्शन, सुनीत गुरव यांनी छायांकन केलं आहे. अलिबाग, जुन्नर या ठिकाणी हा म्युझिक व्हिडिओ चित्रीत करण्यात आला आहे.
उत्तम छायांकन असलेलं अतिशय फ्रेश असं हे गाणं असून लग्नाच्या सीझनमध्ये प्रत्येक लग्नात ही "लग्नाची पिपाणी" वाजेल यात शंका नाही.हेही वाचा -
आयकर विभागाची छापेमारी अजूनही सुरूच; अनुराग, तापसीची पुण्यात चौकशी
