'तू सांग ना'... 'मन फकिरा' चित्रपटातील नवं गाणं प्रदर्शित

या चित्रपटात सायली संजीव, सुव्रत जोशी, अंकित मोहन आणि अंजली पाटील यांच्या मुख्य भूमिका आहे. या चित्रपटातील 'तू सांग ना' हे गाणे सोशल मीडियावर प्रदर्शित करण्यात आले आहे. या गाण्यात चारही कलाकारांची झलक पाहायला मिळते.

मुंबई - अभिनेत्री मृण्मयी देशपांडेच्या दिग्दर्शनाखाली तयार झालेला 'मन फकिरा' चित्रपट लवकरच प्रेक्षकांच्या भेटीला येणार आहे. काही दिवसांपूर्वीच या चित्रपटाचा ट्रेलर प्रदर्शित झाला. या चित्रपटात सायली संजीव, सुव्रत जोशी, अंकित मोहन आणि अंजली पाटील यांच्या मुख्य भूमिका आहे. या चित्रपटातील 'तू सांग ना' हे गाणे सोशल मीडियावर प्रदर्शित करण्यात आले आहे. या गाण्यात चारही कलाकारांची झलक पाहायला मिळते.

हे गाणे सौमिल श्रृंगारपुरे यांनी गायिले असून वैभव जोशी याचे गीतकार आहेत. स्मिता विनायक गणू, नितीन प्रकाश वैद्य हे या चित्रपटाचे निर्माते आहेत. प्रेम, लग्न आणि नात्यातील गुंतागुत यावर आधारित या चित्रपटाचे कथानक आहे. लग्नापूर्वीचं प्रेम लग्नानंतर आयुष्यात येते तेव्हा तयार झालेला गुंता कसा सुटणार, हे तर हा चित्रपट प्रदर्शित झाल्यानंतरच समोर येईल.

• " class="align-text-top noRightClick twitterSection" data="">
  

हेही वाचा -अभिनेता सुव्रत जोशी आणि अभिनेत्री सायली संजीव ‘मन फकीरा’ सिनेमामधून पहिल्यांदाच एकत्र

‘मन फकीरा’ या रोमँटिक ड्रामाच्या प्रदर्शित झालेल्या पोस्टर, टीझर आणि गाण्यांना प्रेक्षकांनी भरभरून प्रतिसाद दिला आहे. त्याचबरोबर सिनेमाच्या ट्रेलरला देखील सोशल मीडियावर १ मिलियन व्हूज मिळाले आहेत. तरुणांच्या हृदयाला चटकन भिडेल असा चित्रपट, असे ज्याचे वर्णन केले जाते आहे. ‘मन फकिरा’ ६ मार्चला सर्वत्र प्रदर्शित होत आहे.

‘फ्रेम्स प्रॉडक्शन’ कंपनीचे हेमंत रूपरेल, रणजीत ठाकूर आणि ‘स्मिता फिल्म प्रॉडक्शन्स’ची प्रस्तुती असलेल्या ‘मन फकीरा’ या चित्रपटाची निर्मिती एस. एन. प्रॉडक्शन्स आणि स्मिता विनय गानु, नितीन प्रकाश वैद्य यांनी केली असून चित्रपटाची सहनिर्मिती तृप्ती कुलकर्णी यांची आहे.

हेही वाचा -‘बोनस’ चित्रपटामधून पूजा सावंत आणि गश्मीर महाजनी पहिल्यांदाच एकत्र झळकणार