मुंबई - संपूर्ण मानवजातीला समानतेची शिकवण देणाऱ्या भारतरत्न डॉ. बाबासाहेब आंबेडकर यांची जीवनगाथा आता लवकरच छोट्या पडद्यावर पहायला मिळणार आहे. 'स्टार प्रवाह' वाहिनीवर 'डॉ. बाबासाहेब आंबेडकर' या मालिकेत त्यांचा जीवनप्रवास उलगडणार आहे. अभिनेता सागर देशमुख या मालिकेत बाबासाहेबांची भूमिका साकारत आहे.
अलिकडेच या मालिकेच्या प्रोमोचे चित्रीकरण मुंबईत पार पडले. यावेळी 'ईटीव्ही भारत'चे प्रतिनिधी विराज मुळे यांनी त्याच्याशी संवाद साधला...
बाबासाहेब आंबेडकरांनी संविधानात दिलेले व्यक्तीस्वातंत्र्य प्रत्येकाला मिळणे काळाची गरज - सागर देशमुख येत्या १४ एप्रिलपासून 'डॉ. बाबासाहेब आंबेडकर' ही मालिका सुरु होत आहे. या मालिकेत बाबासाहेबांची भूमिका साकारण्यासाठी सागरने विशेष तयारी केली आहे. सध्या तो दिल्लीतील जेएनयूमधील प्राध्यापक सुखदेव थोरात यांचे लेक्चर्स एकतोय. याव्यतिरीक्त 'आंबेडकरांचे विनोद' हे एक वेगळं पुस्तक आवर्जून वाचत असल्याचे त्याने सांगितले आहे. ही मालिका प्रेक्षकांना नक्की आवडेल, अशी खात्रीही त्याने दिली आहे. या मालिकेपूर्वी सागर 'भाई व्यक्ती की वल्ली' या चित्रपटात 'पु. ल. देशपांडे' यांच्या भूमिकेत दिसला. आता त्याच्या बाबासाहेबांच्या भूमिकेला प्रेक्षक कसा प्रतिसाद देतात, हे पाहणं महत्वाचं ठरणार आहे.
