मुंबई - हैदराबादमधील पशुवैद्यक तरुणीवर बलात्कार आणि हत्या प्रकरणातील चारही आरोपींचा आज पहाटे एन्काऊंटर करण्यात आला आहे. बऱ्याच दिवसांपासून या घटनेचे तिव्र पडसाद देशभरात पाहायला मिळाले होते. कलाविश्वातही या घटनेची चीड व्यक्त केली गेली. मात्र, पोलीस एन्काऊंटरमध्ये घटनेतील चारही आरोपी ठार झाल्यानंतर सर्वसामान्य नागरिकांपासून ते सेलिब्रिटींपर्यंत सर्वच आपल्या प्रतिक्रिया व्यक्त करत आहे. दिग्दर्शक, अभिनेते प्रविण तरडे यांनीही सोशल मीडियावरून एक पोस्ट शेअर करत 'हैदराबादमध्ये खरी शिवशाही', असल्याचं म्हटलं आहे.
हैदराबादमध्ये पोलीस एन्काऊंटरनंतर बऱ्याच गोष्टींची चर्चा सुरू झाली आहे. मात्र, 'हैदराबादमध्ये खरी शिवशाही, जागेवर फैसला', अशी पोस्ट शेअर करून प्रविण तरडे यांनी आपलं स्पष्ट मत मांडलं आहे.
- " class="align-text-top noRightClick twitterSection" data="">
हेही वाचा -'शाब्बास तेलंगाणा पोलीस', ऋषी कपूर यांनी ट्विट करून केलं अभिनंदन
कशी घडली होती घटना -
बुधवारी रात्री रुग्णालयातून घरी जात असताना महिलेच्या गाडीचा टायर पंक्चर झाल्यामुळे त्या महामार्गावरील टोल प्लाझाजवळ थांबल्या होत्या. तेव्हा चार आरोपींनी महिलेवर बलात्कार करून त्यांचा खून केला होता. तसेच त्यांचा मृतदेह जाळला होता. शेवटी महिलेचे तिच्या बहिणीशी बोलणे झाले होते. त्यानंतर, दुसऱ्या दिवशी त्यांच्या बहिणीने त्यांच्याशी संपर्क साधण्याचा प्रयत्न केला असता, त्यांचा फोन बंद असल्याचे समजले. त्यानंतर दिवसभर शोधाशोध केल्यानंतर बुधवारी सायंकाळी बहिणीने पोलिसांमध्ये तक्रार दाखल केली होती. तक्रार दाखल केल्यानंतर पोलिसांनी २४ तासांच्या आत आरोपींना अटक केली आहे.
