मुंबई - बॉलिवूडची 'देसी गर्ल' प्रियांका चोप्रा आणि अमेरिकन गायक निक जोनास हे गतवर्षी लग्नबंधनात अडकले. जोधपूरच्या उमेद भवनमध्ये त्यांचा शाही विवाहसोहळा पार पडला होता. सोशल मीडियावरही दोघे नेहमी सक्रिय असतात. त्यांच्या लग्नानंतर त्यांचे बरेचसे फोटो आणि व्हिडिओ सोशल मीडियावर व्हायरल होत असतात. आता चर्चा रंगली आहे ती म्हणजे प्रियांका लवकरच आई होणार असल्याची. होय, प्रियांकाच्या काही फोटोंमुळे ती प्रेग्नंट असल्याच्या चर्चा सोशल मीडियावर रंगल्या आहेत.
प्रियांका आणि निकने अलिकडेच 'मेट गाला' आणि 'कान्स फिल्म फेस्टिव्हल'मध्ये चाहत्यांचे लक्ष वेधले. मात्र, यावेळी तिचा लूक पाहून सोशल मीडियावर वेगळीच चर्चा रंगल्याचे पाहायला मिळाले. या चर्चांना हवा देण्याचे काम तिच्या कान्समधील लूकने केले. प्रियांकाने जो ड्रेस घातला होता त्यामध्ये तिचे 'बेबी बम्प' समोर आल्याचे दिसले. यावरून ती प्रेग्नंट आहे का? असे प्रश्न सोशल मीडियावर विचारले जाऊ लागले. यातच ऑस्कर विजेती ओक्टाव्हिया स्पेन्सर हिच्या एका कमेंटने तर या चर्चा अधिकच रंगल्या आहेत.
अमेरिकन अभिनेत्री ओक्टाव्हिया स्पेन्सर आणि प्रियांका चोप्रा या दोघीही एकमेकींच्या चांगल्या मैत्रीणी आहेत. प्रियांकाने 'कान्स'मधील तिचा एक फोटो सोशल मीडियावर शेअर केल्यानंतर ओक्टाव्हियाने तिच्या पोस्टवर 'स्टनिंग ममासिटा', अशी कमेंट दिली आहे. याचा अर्थ 'हॉट ममा' असा होतो. यावरून प्रियांका प्रेग्नंट असल्याचा अंदाज सोशल मीडियावर लावला जात आहे. प्रियांका आणि निकने अद्याप तिच्या प्रेग्नंसीबाबत कोणतीही घोषणा केली नाही. मात्र, ओक्टाव्हियाच्या या कमेंटने या बातमीला दुजोरा दिला आहे.
जर प्रियांका खरचं प्रेग्नंट असेल, तर ती तिच्या प्रेग्नंसीची गुड न्यूज नक्कीच चाहत्यांना देईल, असेही काही युजर्सने म्हटले आहे.
