अभिनेत्री मोनालिसा बागल विचारतेय, ‘का रं देवा’!

अभिनेत्री मोनालिसा बागलनं ‘झाला बोभाटा’ या चित्रपटातून आपली छाप उमटवली होती. त्याशिवाय करंट, रावरंभा आणि भिरकीट अशा उत्तमोत्तम आगामी चित्रपटातही मोनालिसा महत्त्वपूर्ण भूमिकांमध्ये दिसणार आहे. आणि आता आगामी ‘का रं देवा’ या चित्रपटात सुद्धा मोनालिसा बागल झळकणार आहे.

मुंबई - अभिनेत्री मोनालिसा बागलनं ‘झाला बोभाटा’ या चित्रपटातून आपली छाप उमटवली होती. त्याशिवाय करंट, रावरंभा आणि भिरकीट अशा उत्तमोत्तम आगामी चित्रपटातही मोनालिसा महत्त्वपूर्ण भूमिकांमध्ये दिसणार आहे. आणि आता आगामी ‘का रं देवा’ या चित्रपटात सुद्धा मोनालिसा बागल झळकणार आहे. एक आदर्शमय प्रेमकथा असलेल्या या चित्रपटाचं टीजर पोस्टर लाँच करण्यात आलं असून, पोस्टरमुळे चित्रपटाविषयी उत्सुकता निर्माण झाली आहे. लवकरच हा चित्रपट संपूर्ण महाराष्ट्रात प्रदर्शित होणार आहे.

पुढच्या वर्षी होणार चित्रपट प्रदर्शित

सह्याद्री फिल्म प्रॉडक्शनच्या प्रशांत शिंगटे यांनी चित्रपटाची निर्मिती केली आहे. चित्रपटाची कथा आणि दिग्दर्शन रंजीत दशरथ जाधव यांचं आहे. सुशांत माने, तानसेन लोकरे यांची गीतं संदीप भुरे यांनी संगीतबद्ध केली आहेत. सुप्रसिद्ध गायक आनंद शिंदे, आदर्श शिंदे, मधुर शिंदे, डॉ.नेहा राजपाल, सुप्रिया सोरटे यांच्या सुमधुर आवाजात चित्रपटातील गाणी स्वरबद्ध करण्यात आली आहेत.

मोनालिसाचा नवीन चित्रपट

एकमेकांच्या अतिशय जवळ उभे असलेले दोघं आणि एक आदर्शमय प्रेमकथा ही टॅगलाईन पोस्टरवर दिसत आहे. तसंच वेगवेगळ्या रंगांच्या वापरामुळे प्रेमाच्या नात्यातले विविध रंगही पोस्टरवर उतरले आहेत. त्यामुळे या प्रेमकथेत काय पहायला मिळणार याचं कुतुहल निर्माण झालं आहे. या चित्रपटात मोनालिसाचा नायक कोण असणार आहे हे अजून गुलदस्त्यात ठेवण्यात आलं असून अभिनेते अरुण नलावडे, नागेश भोसले आणि जयवंत वाडकर अशी दिग्गज कलाकार मंडळी या चित्रपटात आपल्याला पहायला मिळणार आहेत. येत्या ११ फेब्रुवारी २०२२ ला ‘का रं देवा’ हा चित्रपट संपूर्ण महाराष्ट्रात प्रदर्शित होणार आहे. हेही वाचा - पडद्यावरील आणि पडद्यामागील कलाकारांची वाजणार ‘शिट्टी’, ‘किचन कल्लाकार’ मध्ये!