मुंबई - यंदा सलग एकापाठोपाठ एक हिट चित्रपट देणारा अक्षय कुमार वर्षाच्या अखेरीसही 'गुड न्यूज' घेऊन आला आहे. अक्षय कुमार, करिना कपूर खान, किआरा आडवाणी, दलजीत दोसांझ अशी तगडी स्टारकास्ट असलेल्या 'गुड न्यूज'चा ट्रेलर नुकताच प्रदर्शित झाला आहे. अलिकडेच अक्षय कुमारचा 'हाऊसफूल ४' हा चित्रटही धुमाकूळ घालत आहे. आता 'गुड न्यूज' देखीलमध्येही त्याची धमाल कॉमेडी पाहायला मिळते.
'गुड न्यूज' चित्रपटाच्या निमित्ताने बऱ्याच काळानंतर अक्षय आणि करिनाची जोडी पडद्यावर पाहायला मिळणार आहे. या चित्रपटाच्या घोषणेपासूनच हा चित्रपट चर्चेत होता. त्यामुळे चित्रपटाच्या ट्रेलरविषयी चाहत्यांना उत्सुकता होती. गरोदरपणाच्या गोंधळामध्ये अक्षय आणि करिनाची कशी त्रेधा तिरपट उडते, याची धमाल झलक या ट्रेलरमध्ये पाहायला मिळते.
- " class="align-text-top noRightClick twitterSection" data="">
हेही वाचा -सावित्रीबाई मालुसरेंच्या करारी भूमिकेत झळकणार काजोल
या चित्रपटामध्ये करिना - अक्षय यांची जोडी आणि दलजीत - किआरा यांची जोडी अशा दोन कपल्सची कथा दाखवण्यात आली आहे. दोन्ही जोडींना बाळाची आतुरता असते. मात्र, हॉस्पिटलमध्ये डॉक्टरकडून होणाऱ्या गोंधळामुळे या कपल्सचा कसा गोंधळ उडतो, हे पाहून तुम्हालाही हसू आवरणार नाही.
ट्रेलर प्रदर्शित झाल्यानंतर अवघ्या एका तासातच या ट्रेलरवर चाहत्यांच्या अक्षरश: उड्या पडल्या आहेत. ट्रेलरनंतर आता चाहत्यांना चित्रपटाच्या प्रदर्शनाचीही आतुरता आहे.
हेही वाचा -'लाल सिंह चड्ढा'चे फर्स्ट लूक पोस्टर भेटीला, सरदारच्या भूमिकेत
राज मेहता यांचं दिग्दर्शन असेलेला 'गुड न्यूज' येत्या २७ डिसेंबरला हा चित्रपट प्रदर्शित होईल.
