शूटिंग दरम्यान कलाकार आणि कर्मचाऱ्यांना मारहाण करणाऱ्यांवर कडक कारवाई - मुख्यमंत्री

कलाकारांचे आणि कर्मचाऱ्यांचे म्हणणे ऐकुन घेतल्यानंतर मुख्यमंत्र्यांनी या प्रकरणी लक्ष घालण्याचे आश्वासन दिले. तसेच, कलाकारांना मारहाण करणाऱ्यांवर कडक कारवाई होईल, असे आश्वासनही त्यांनी दिले असल्याची माही गिल यांनी पत्रकारांना सांगितले.

मुंबई - मीरा रोड येथे 'फिक्सर' या शोच्या शूटिंग वेळी अज्ञात हल्लेखोरांनी अभिनेत्री माही गिल आणि इतर कलाकारांना मारहाण केली होती. दरम्यान याप्रकरणी 'फिक्सर'च्या कलाकारांनी मुख्यमंत्र्यांची भेट घेतली. यावेळी चित्रपटातील कलाकार आणि कर्मचाऱ्यांवर हल्ले करणाऱ्यांच्या विरोधात कडक कारवाई करण्यात येणार असल्याचे आश्वासन मुख्यमंत्री देवेंद्र फडणवीस यांनी दिले आहे.

कलाकारांचे आणि कर्मचाऱ्यांचे म्हणणे ऐकुन घेतल्यानंतर मुख्यमंत्र्यांनी या प्रकरणी लक्ष घालण्याचे आश्वासन दिले. तसेच, कलाकारांना मारहाण करणाऱ्यांवर कडक कारवाई होईल, असे आश्वासनही त्यांनी दिले असल्याचे माही गिलने पत्रकारांना सांगितले.'फिक्सर' या वेबसीरिजच्या युनिटवर अज्ञात हल्लेखोरांनी हल्ला केल्याने सिनेसृष्टीत खळबळ उडाली आहे. या मारहाणीत निर्माता साकेत सावनी यांनाही दुखापत झाली आहे. तर, पोलिसांनीही यावेळी अज्ञात गुंडाची साथ दिल्याचा आरोप माही गिलने केला होता. याप्रकरणी काही ७ हल्लेखोरांना अटक करण्यात आली आहे. तर हल्लेखोरांना साथ देणाऱ्या पोलिसांचीही चौकशी करण्याचे आदेश देणार असल्याचे आश्वासन मुख्यमंत्र्यांनी दिले आहे.