मुंबई: यशराज फिल्म्स(वायआरएफ)ने आपल्या स्थापनेला ५० वर्षे पूर्ण केली आहेत. यानिमित्ताने बॅनरचा एक नवीन लोगो लॉन्च करण्यात येणार आहे. बॅनरच्या ५० वर्षांच्या प्रवासाच्या उत्सवाची ही सुरुवात असेल.
व्हीआरएफचे अध्यक्ष, व्यवस्थापकीय संचालक आणि चित्रपट निर्माते आदित्य चोप्रा यांच्या वतीने २७ सप्टेंबर रोजी चित्रपट निर्माते यश चोप्रा यांच्या ८८ व्या जयंतीनिमित्त लोगो लॉन्च केला जाणार आहे. नवीन लोगो भारतातील सर्व अधिकृत भाषांमध्ये लाँच केले जाऊ शकतात.
एका व्यापार स्त्रोताने सांगितले की वायआरएफ ही एक मोठा इतिहास असलेली हेरिटेज कंपनी आहे. त्यांच्या ग्रंथालयात उत्कृष्ट नामांकित चित्रपट आहेत.
हेही वाचा - पाहा, इशान खट्टर आणि अनन्या पांडे यांचा रोमँटिक असलेला 'खाली पिली'चा टिझर
कंपनीने भारताला बरेच सुपरस्टार्स दिले आहेत. ते म्हणाले, "कंपनीची ५० वर्षे पूर्ण झाल्याच्या निमित्ताने आदित्य निश्चितच नवीन आणि विशेष लोगोचे अनावरण करतील. त्यांचे वडील, दिग्गज चित्रपट निर्माते यश चोप्रा यांच्या ८८ व्या जयंतीदिनी अनावरण केले जाईल. नक्कीच हा एक खास क्षण असणार आहे. २७ सप्टेंबरपासून नवीन लोगोसह ५० वर्षांच्या उत्सवाची सुरुवात होईल. "
नवीन लोगो देशातील सर्व 22 अधिकृत भाषांमध्ये लाँच केला जाईल, जो देशभरातील प्रेक्षकांबद्दल कृतज्ञता दर्शविण्याचा एक चांगला मार्ग असेल.
