मुंबई - अभिनेता विवेक ओबेरॉय 'रोझीः द सॅफरन चॅप्टर' या चित्रपटातून निर्माता म्हणून पदार्पण करताना दिसणार आहे. या चित्रपटात श्वेता तिवारीची मुलगी पलक तिवारी मुख्य भूमिकेत असणार आहे. पलकचाही हा बॉलिवूड पदार्पणाचा चित्रपट आहे.
विशाल मिश्रा दिग्दर्शित 'रोझीः द सॅफरन चॅप्टर' हा चित्रपट गुरुग्राममधील खऱ्या घटनांवर आधारित एक भयपट-थरार आहे. या चित्रपटाची कथा रोझी या सॅफरन बीपीओमध्ये काम करणाऱ्या महिलेभोवती फिरते. या रोझीला भुताने झपाटलेले असते.
'रोझीः द सॅफरन चॅप्टर' च्या टीमने २१ डिसेंबरपासून पुण्यात चित्रपटाचे शूटिंग सुरू केले आहे. या चित्रपटाच्या सेटवर विवेक ओबेरॉय आणि चित्रपटाची सह-निर्माता प्रेरणा अरोरा कलाकारांसह पूजा करताना दिसतात.
हेही वाचा - अतरंगी रे'साठी शाहजहांच्या अवतारात अक्षय कुमार
दरम्यान, विवेक या चित्रपटात विवेक ओबेरॉयदेखील महत्त्वाच्या भूमिकेत असणार आहे. या चित्रपटातून पलक तिवारीसह सुष्मिता सेनचा भाऊ राजीव सेनदेखील बॉलिवूड पदार्पण करणार आहे. अभिनेता लेखक-विशाल मिश्रा या थरारपटाचे दिग्दर्शन करणार आहे.
हेही वाचा - कार्तिक आर्यनने करुन दिली 'धमाका'मधील अर्जुन पाठकची ओळख
