कोरोना विषाणूची दुसरी लाट भयंकर खतरनाक वाटतेय. लॉकडाऊन दरम्यान सगळेच जण, सेलिब्रिटीजसुद्धा, घरातच बसून होते. परंतु भविष्याची आर्थिक चिंता आणि कोरोना विषाणूच्या जीवघेण्या प्रभावाला मनावर न घेणं यामुळे शासनाने लोकांच्या इच्छेखातर अनलॉक सुरु केला आणि मनोरंजनसृष्टीला पहिल्याच फेजमध्ये शूटिंग करायला परवानगी मिळाली. गेले वर्ष सरतेपर्यंत न्यू नॉर्मलमध्ये जगण्याचे नॉर्मल मध्ये परिवर्तन होईल अशी आशा निर्माण झाली होती. परंतु या वर्षाच्या पहिल्या तिमाहीतच कोरोनाच्या विषाणूने पुन्हा डोके वर काढले. हा विषाणू आधीपेक्षा तिप्पट विखारी आहे असं तज्ज्ञांचं मत आहे. असो. तर आता अनेक चित्रपटांची आणि टीव्ही मालिकांची चित्रीकरणं जोरात सुरु आहेत आणि अनेक कलाकार बाधित होत असल्याच्या खबरी येत आहेत.
कोरोना बाधित कलाकारांच्या लिस्ट मध्ये आता विकी कौशल आणि भूमी पेडणेकर यांची देखील वर्णी लागली आहे. काल याच लिस्टमध्ये अक्षय कुमार आणि गोविंदा सामील झाले होते. त्याआधी आमिर खान, आलिया भट, रणबीर कपूर, फातिमा सना शेख वगैरे स्टार्सना कोरोना ने घेरले. खरंतर इतक्या मोट्या प्रमाणात सिनेकलाकारांना कोरोनाची लागण होतेय याचा अर्थ चित्रपटांच्या शुटिंग्स दरम्यान कोरोना घेण्यात येणाऱ्या सावधगिरीची पुन्हा एकदा खातरजमा करून घ्यायला हवी असा नक्कीच होतो.
विकी कौशल ने समाज माध्यमांवर तो कोव्हीड पॉझिटिव्ह झाला असल्याची माहिती दिली. ‘सर्व प्रकारची काळजी आणि खबरदारी घेऊनही दुर्दैवाने मला कोरोनाची लागण झालीच. कोव्हीड संदर्भातील सर्व शिष्टाचार मी पाळत असून डॉक्टरांच्या सल्ल्याने औषधही घेतो आहे. खबरदारीचा उपाय म्हणून, जे माझ्या संपर्कात होते त्यांनी आपली कोव्हीड टेस्ट करून घेण्याची मी विनंती करीत आहे’, विकी ने लिहिले. अजून एक मोठी स्टार कोरोनाच्या विळख्यात सापडली ती म्हणजे भूमी पेडणेकर. ‘मी कोव्हीड पॉझिटिव्ह निघालेय. मला कोरोनाची सौम्य लक्षणं असून भीतीचे काही कारण नाही वाटत. डॉक्टरांच्या सल्ल्याने मी औषधं घेत असून कोव्हीड संदर्भातील सर्व शिष्टाचार मी पाळत आहे. जे माझ्या संपर्कात होते त्यांनी आपली कोव्हीड टेस्ट करून घेण्याचा सल्ला मी देत आहे. मी वाफ घेत असून व्हिटॅमिन सी युक्त आहार घेत आहे. तसेच मी माझा मूड प्रसन्न असावा हा प्रयत्न सतत करीत आहे. सध्याची परिस्थिती अत्यंत घातक असून तिला हलक्यात अजिबात घेऊ नका. मी सर्व खबरदारी घेऊनही मला कोरोनाने पकडले यावरून बोध घ्या. मास्क वापरा, सतत हात धूत राहा, सोशल डिस्टंसिंगचे नियम पाळा आणि आपल्या वर्तणुकीकडे लक्ष द्या’, अशी भूमी पेडणेकरने सल्लाप्रद पोस्ट समाज माध्यमांवर टाकली. आतापर्यंत अमिताभ बच्चन, अभिषेक बच्चन, अर्जुन कपूर, वरुण धवन, मलाईका अरोरा, नीतू कपूर, कार्तिक आर्यन, रणबीर कपूर, आलिया भट, मनोज बाजपेयी, सतीश कौशिक, तारा सुतारीया, सिद्धांत चतुर्वेदी, भप्पी लाहिरी, परेश रावल, आर माधवन, आमिर खान अशा अनेक सेलिब्रिटीज कोरोना पॉझिटिव्ह लिस्टमध्ये सामील झाल्या आहेत. हेही वाचा -
प्रियदर्शन जाधवलाही कोरोनाची बाधा
