मुंबई - बॉलिवूड अभिनेता वरुण धवनने साऊथ स्टार समंथा रुथ प्रभूला हौशी फोटोग्राफर्सच्या घेरावातून वाचवले. समंथा आजकाल मुंबईत रहात आहे. जेव्हा ती वरुणसोबत चित्रपट निर्माते राज आणि डीके यांना भेटण्यासाठी बाहेर पडली तेव्हा फोटो ग्राफर्सनी तिला घेराव घातला. या अशा पापाराझी संस्कृतीशी समंथा परिचित नाही. या प्रसंगातून वरुणने तिला सही सलामत बाहेर काढले. कारण खूप जवळ येऊन हे लोक फोटो काढत होते.
- " class="align-text-top noRightClick twitterSection" data="
">
या घटनेच्या व्हायरल व्हिडिओमध्ये वरुण सामंथाचे गर्दीपासून संरक्षण करताना आणि पापाराझींना तिला घाबरवू नका असे सांगताना दिसत आहे. पॅप्स जवळ आल्यावर वरुण म्हणाला, "डराओ मत, क्यूँ डरा रहे हो इसको?'' वरूणच्या या प्रसंगावधानाने नेटिझन्सची मने जिंकली आहेत. सर्वजण वरुणचे कौतुक करीत आहेत.
चित्रपट निर्माते जोडी राज आणि डीके यांच्या भेटीनंतर समंथा आणि वरुण धवन यांना आपल्या कॅमेऱ्यात कैद करण्याची घाई होशी फोटोग्राफर्सनी केली होती. वरुण आणि सामंथा हे अ‍ॅव्हेंजर्स फेम, रुसो ब्रदर्ससह भारतातील सिटाडेल निर्मितीमध्ये राज आणि डीके सह-निर्माते यांच्यासोबत एकत्र येत आहेत. सिटाडेलच्या आंतरराष्ट्रीय आवृत्तीमध्ये प्रियांका चोप्रा मुख्य भूमिकेत आहे.
हेही वाचा - रणबीर कपूर आणि आलिया भट्टच्या लग्नाची तारीख पुन्हा ठरली?
