अजमेर - अभिनेता टायगर श्रॉफ आणि श्रद्धा कपूर यांनी 'बागी ३' चित्रपटाच्या शूटिंगला सुरूवात केली आहे. किशनगड येथील मार्बल औद्योगिक क्षेत्रातील डंपिंग यार्डमध्ये शूटिंगपार पडले. जयपूरमध्ये शूटिंगपार पडल्यानंतर 'बागी ३' ची टीम किशनगडला पोहोचली. बर्फाळ वातावरणात मार्बल डंपिंग यार्डमध्ये शूटिंग पार पडले.
टायगर श्रॉफ आणि श्रध्दाच्या 'बागी ३' चे शूटींग
टायगर श्रॉफ आणि श्रद्धा कपूरने गाण्याच्या शूटिंगमध्ये भाग घेतला. 'दस बहाने कर के ले गयी दिल' या गाण्याच्या रिमिक्सवर टायगर आणि श्रद्धा थिरकले. यावेळी टायगरचे चाहते मोठ्या संख्येने हजर होते. टायगर आणि श्रद्धा किशनगडला पोहोचलेत ही बातमी वाऱ्यासारखी पसरली आणि मोठ्या संख्येने शूटिंगच्या ठिकाणी चाहते दाखल झाले. चाहत्यांचा जल्लोष पाहून टायगरने त्यांना अभिवादन केले. 'बागी ३' सिनेमाच्या तिसऱ्या टप्प्याचे शूटिंग सुरू आहे.
