सुशांतला विषबाधा झाली होती अन् शवविच्छेदनास मुद्दाम लावला विलंब, सुब्रमण्यण स्वामींचा आरोप

दिवंगत अभिनेता सुशांतसिंह राजपूत याला विषबाधा झाल्याचे आणि त्याच्या शवविच्छेदनास मुद्दाम विलंब केल्याचा आरोप भाजपचे राज्यसभेचे खासदार सुब्रमण्यम स्वामी यांनी मंगळवारी एका ट्वीटद्वारे केला.

मुंबई - बॉलिवूड अभिनेता सुशांतसिंह राजपूत याचा मृत्यू संशयास्पद असून त्याला मृत्यू होण्यापूर्वी विष देण्यात आले होते, असा खळबळजनक आरोप भाजपचे खासदार सुब्रमण्यण स्वामी यांनी केला आहे.

पाचक द्रव्यांसोबत विष विरघळून जावे यासाठी त्याचे शवविच्छेदन मुद्दाम उशीरा करण्यात आल्याचा आरोपही त्यांनी केलाय.

• Now the diabolical mentality of the killers and their reach is being slowly revealed: autopsy was deliberately forcibly delayed so that the poisons in SSR’s stomach dissolves beyond recognition by the digestive fluids in the stomach . Time to nail those who are responsible

  — Subramanian Swamy (@Swamy39) August 25, 2020 " class="align-text-top noRightClick twitterSection" data="

  Now the diabolical mentality of the killers and their reach is being slowly revealed: autopsy was deliberately forcibly delayed so that the poisons in SSR’s stomach dissolves beyond recognition by the digestive fluids in the stomach . Time to nail those who are responsible

  — Subramanian Swamy (@Swamy39) August 25, 2020

  ">

  Now the diabolical mentality of the killers and their reach is being slowly revealed: autopsy was deliberately forcibly delayed so that the poisons in SSR’s stomach dissolves beyond recognition by the digestive fluids in the stomach . Time to nail those who are responsible

  — Subramanian Swamy (@Swamy39) August 25, 2020

स्वामींनी मंगळवारी सकाळी ट्वीट केले, "आता मारेकऱ्यांची आसुरी मानसिकता आणि त्यांची पोहोच हळूहळू प्रकाशात येत आहे. शवविच्छेदन जाणीवपूर्वक उशिरा करण्यात आले. ज्यामुळे एसएसआरच्या पोटातील विष पचन द्रव्यांमुळे विघटित होईल आणि ओळखले जाऊ शकणार नाही."

सोमवारी सोशल मीडियावरील युजर्सनी मागणी केली होती की, सुशांतचे शवविच्छेदन करणार्‍या कूपर रूग्णालयातील डॉक्टरांची चौकशी सीबीआयने करावी. सोमवारी संध्याकाळी केलेल्या ट्विटमध्ये सुब्रमण्यण स्वामी यांनी म्हटलंय की, सुशांतची प्रेयसी रिया चक्रवर्ती हिला चौकशीसाठी ताब्यात घेतले पाहिजे.

हेही वाचा - पाहा, इशान खट्टर आणि अनन्या पांडे यांचा रोमँटिक असलेला 'खाली पिली'चा टिझर

ते म्हणाले, "रियाने दिलेला पुरावा आणि महेश भट्ट यांच्याशी झालेल्या संभाषणात जर विरोधाभास असेल तर सीबीआयकडे तिला अटक करण्याशिवाय पर्याय राहणार नाही."

रिया आणि महेश भट्ट यांच्यात झालेल्या व्हॉट्सअ‌ॅप संभाषणाचे स्क्रीनशॉट सोशल मीडियावर व्हायरल झाले आहेत. यावरुन नेटिझन्सनी आरोप केला आहे की, रियाचे ‘शुगर डॅडी’ महेश भट्टने सुशांतसोबत ब्रेकअप करण्यासाठी तिला भाग पाडले होते.