मुंबई - शाहरुख खानची लाडकी मुलगी सुहाना पुन्हा एकदा चर्चेत आली आहे. अलीकडेच सुहाना 2022 च्या आयपीएल लिलावात भाऊ आर्यन खानसोबत दिसली होती. काल रात्री सुहाना खान अमिताभ बच्चन यांचा नातू अगस्त्य नंदासोबत मुंबईत स्पॉट झाली. सोशल मीडियावर दोघांची चर्चा सुरू आहे. यादरम्यान चित्रपट निर्माता फरहान अख्तरची बहीण झोया अख्तरही एकत्र दिसली होती. तेव्हापासून सुहाना आणि अगस्त्य लवकरच बॉलिवूडमध्ये पदार्पण करू शकतात, अशी अटकळ सुरू झाली आहे.
- " class="align-text-top noRightClick twitterSection" data="
">
सोशल मीडियावर समोर आलेल्या व्हिडिओमध्ये सुहाना खान आणि अगस्त्य एकाच कारमध्ये बसलेले दिसत होते. अगस्त्य आणि सुहाना खानबद्दल बोलले जात आहे की, ही जोडी झोया अख्तरच्या चित्रपटात दिसणार आहे. एका यूजरने कमेंट केली, 'आर्चिस कमिंग ब्रो'. आणखी एका युजरने लिहिले, 'आता ती चित्रपटात दिसण्यासाठी पूर्णपणे तयार आहे, आता प्रतीक्षा करू शकत नाही.'
गेल्या वर्षी झोया अख्तर 1960 च्या आर्ची कॉमिक्सवर आधारित एक संगीत नाटक चित्रपट करणार असल्याची बातमी आली होती, परंतु चित्रपटाच्या कलाकारांबद्दल कोणताही खुलासा करण्यात आला नव्हता. सुहाना खान, अगस्त्य नंदा आणि खुशी कपूर एकत्र डेब्यू करू शकतात असे सांगितले जात होते. सैफ अली खानचा मुलगा इब्राहिम अली खान याचेही नाव या प्रकल्पात सामील असल्याचे बोलले जात होते. मात्र अद्याप या वृत्तावर कोणतीही अधिकृत घोषणा करण्यात आलेली नाही.
शाहरुख खानचा मुलगा आर्यन खान लवकरच लेखक म्हणून बॉलिवूडमध्ये पदार्पण करणार असल्याची बातमी अलीकडेच आली आहे. आर्यन खान पडद्यामागे खूप मेहनत करत असल्याचं सांगण्यात येत आहे.
हेही वाचा - शिबानी दांडेकरने फरहान अख्तरच्या तळहातावर लावली मेहंदी पाहा फोटो
