मुंबई - आशिकी 2 फेम अभिनेत्री श्रद्धा कपूर हिचे बॉयफ्रेंड रोहन श्रेष्ठसोबत ब्रेकअप झाल्याच्या अफवा पसरल्या होत्या. सोशल मीडियावर ही बातमी आगीसारखी पसरली होती. चार वर्षांच्या रिलेशनशिपनंतर श्रद्धा आणि रोहनचे ब्रेकअप झाल्याच्या बातम्या आल्या होत्या. या बातम्यांदरम्यान आता श्रद्धा कपूरची प्रतिक्रिया आली आहे.
ब्रेकअपच्या बातम्यांदरम्यान श्रद्धा कपूरने सोशल मीडिया अकाउंट इन्स्टाग्रामवर एक पोस्ट शेअर केली आहे. श्रद्धाने या पोस्टमध्ये 'और सुनाओ' या कॅप्शनसह लिहिले आहे, तिने हार्ट इमोजीही शेअर केला आहे. श्रद्धाच्या या पोस्टवर कमेंट करताना तिचा भाऊ सिद्धांत कपूरने लिहिले की, 'मला तुझी आठवण येते माय लिटल क्वीन'.
श्रद्धा आणि रोहन गेल्या चार वर्षांपासून एकत्र होते. या जोडप्याच्या विभक्त होण्याचे कोणतेही कारण अद्याप समोर आलेले नाही. या वर्षी श्रद्धाने तिचा वाढदिवस गोव्यात साजरा केला, जिथे रोहन अनुपस्थित होता.
गेल्या वर्षी या बातमीने जोर धरला होता की, श्रद्धा आणि रोहन लवकरच लग्न करणार आहेत. या रिपोर्ट्समध्ये, श्रद्धा कपूरचे वडील आणि अभिनेता शक्ती कपूर म्हणाले होते, 'रोहन हा एक कौटुंबिक मित्र आहे, मी त्याच्या वडिलांना अनेक वर्षांपासून ओळखतो. रोहन अनेकदा आमच्या घरी येतो, पण लग्नाबद्दल कधीही चर्चा झाली नाही. शिवाय, आजची मुलं स्वतःचे निर्णय घेतात. श्रध्दाला जर एखादा मुलगा आवडला तर ती ज्याच्याशी म्हणेल त्याच्याशी लग्न करून देईल, मी का नकार देईन? पण यावेळी तिने तिच्या करिअरवर लक्ष केंद्रित केले पाहिजे. लग्न हा एक महत्त्वाचा टप्पा आहे, जिथे लोक वेगळे होऊ लागतात. जाऊ दे, या गोष्टीने माझी कधी कधी निराशा केली, नातं बनवण्याआधी नीट विचार करायला हवा.''
श्रद्धाच्या वर्कफ्रंटबद्दल बोलायचे झाले तर ती सध्या रणबीर कपूरसोबत चित्रपट दिग्दर्शक लव रंजनच्या चित्रपटात काम करत आहे. याशिवाय श्रद्धा 'नागिन' ट्रायलॉजीसाठीही चर्चेत आहे. त्याचवेळी पंकज पाराशर यांचा लंडनमधील 'चालबाज' चित्रपटही तिच्या बॅगेत आहे. श्रद्धा शेवटची 'बागी 3' या चित्रपटात दिसली होती.
हेही वाचा - Rrr Mania In Hyderabad : ज्युनियर एनटीआर आणि रामचंद्रन यांनी पाहिला प्रेक्षकांसोबत पाहिला Rrr चित्रपट
