मुंबई - सुपरहिट 'गली बॉय' चित्रपटानंतर रणवीर सिंग आणि आलिया भट्ट पुन्हा एकदा चित्रपट निर्माते करण जोहरच्या पुढील चित्रपटात एकत्र येणार आहेत. पुढच्या वर्षी एप्रिलमध्ये हा चित्रपट फ्लोअरवर जाण्याची शक्यता आहे. या सिनेमाच्या व्यक्तीरेखेमध्ये प्रवेश करण्यासाठी रणवीर सिंग एक कार्यशाळा घेणार आहे.
हिंदी चित्रपटसृष्टीत एक दशक पूर्ण केल्यावर रणवीर अलीकडेच म्हणाला होता की प्रत्येक चित्रपटातून स्वत:मध्ये काहीतरी शोधण्याची अपेक्षा ठेवतो. करण जोहरच्या चित्रपटाची तयारीही तो याच पध्दतीने करीत आहे.
रणवीर आणि आलियाचे आगामी चित्रपट
बातमीनुसार रणवीर सिंगच्या हातात एक चित्रपट आहे जो त्याला पूर्ण करणे आवश्यक आहे. त्यानंतर, तो जोहरच्या टीमसह २५ दिवस कार्यशाळेस प्रारंभ करण्यासाठी वेळ घेईल. यादरम्यान, आलिया संजय लीला भन्साळीसोबत 'गंगूबाई काठीवाडी'चे शूट संपवणार आहे.
जर सर्व काही योजनेनुसार चालले तर करण जोहर एप्रिल २०२१ च्या सुमारास या चित्रपटाच्या शुटिंगला सुरूवात करेल. करण जोहरने दिग्दर्शक म्हणून नेटफ्लिक्ससाठी 'घोस्ट स्टोरीज'चे दिग्दर्शन केले होते.
हेही वाचा -सुपरस्टार रजनीकांत यांचा 70 वा वाढदिवस ; शुभेच्छा देण्यासाठी घराबाहेर चाहत्यांची गर्दी
रणवीर शुटिंगमध्ये बिझी
रणवीरच्या आगामी महत्त्वकांक्षी चित्रपट म्हणजे कबीर खान दिग्दर्शित '83' हा चित्रपट आहे. यात तो कपिल देवची भूमिका साकारत असून त्याने १९८३ मध्ये प्रथमच क्रिकेट विश्वकरंडक विजयाच्या मोहिमेचे नेतृत्व केले होते. रोहित शेट्टी यांच्या आगामी कॉप अॅक्शन ड्रामामध्ये तो संग्राम भालेराव सिम्बाच्या भूमिकेतही तो पुन्हा दिसणार आहे. अक्षय कुमारची मुख्य भूमिका असलेल्या या चित्रपटाचे शीर्षक 'सुर्यवंशी' असेल.
हेही वाचा -वाढदिवस विशेष : जेजुरीचा 'खंडोबा' आहे रजनीकांतचे कुलदैवत
