मुंबई - कर्णबधिर समुदायाला भेडसावणारे प्रश्न मांडण्यासाठी सतत काम करणाऱ्या बॉलिवूडचा उत्साही अभिनेता रणवीर सिंगने आंतरराष्ट्रीय संकेत दिन 2021 च्या दिवशी कर्णबधिर समुदायासाठी एक सर्वसमावेशक जागा तयार करण्याचे आवाहन केले आहे.
"आज तरुणांना माझा संदेश असेल की तुम्ही जे काम करत आहात ते करत रहा ... आणि जर तुम्ही कोणत्याही प्रकारे बहिऱ्या समुदायाबरोबर काम करून सर्वसमावेशक जागा तयार करु शकत असाल किंवा प्रचार करू शकत असाल, तर कृपया तसे करा, ”असे रणवीर म्हणाला.
"आदरातिथ्यापासून शिक्षणापर्यंत ते सर्जनशील कलांपर्यंत. आम्ही हा बदल फक्त एकत्रपणे करू शकतो आणि याबद्दल माझा विश्वास आमच्या देशातील तरुणांवर आहे," असेही रणवीर म्हणाला.
रणवीर समाजाला मदत करण्यासाठी आपले काम करत आहे. तो भारतीय सांकेतिक भाषा (आयएसएल) ला भारताची 23 वी अधिकृत भाषा म्हणून घोषित करण्यासाठी अधिकाऱ्यांना आग्रह करत आहे. या कारणाबद्दल जागरूकता वाढविण्याच्या याचिकेवर त्याने स्वाक्षरी देखील केली आहे.
"ज्या दिवशी आयएसएल भारताच्या संविधानाअंतर्गत 23 वी मान्यताप्राप्त भारतीय भाषा असेल, तो मैलाचा दगड असेल. माझ्या देशाच्या नेत्यांवर माझा पूर्ण विश्वास आहे आणि मला माहित आहे की आम्ही हा टप्पा गाठण्याच्या मार्गावर आहोत," असेही तो पुढे म्हणाला.
हेही वाचा - साडी नेसलेल्या महिलेस रेस्टॉरंटमध्ये प्रवेश नाकारल्याने भडकली रिचा चढ्ढा
