हैदराबाद - सुपरस्टार रजनीकांत यांच्या आगामी 'अण्णात्थे' चित्रपटाचे शुटिंग पुढे ढकलण्यात आले आहे. शुटिंग टीममधील क्रू मेंबर्सची कोविड चाचणी पॉझिटिव्ह आल्यानंतर सुरक्षततेच्या कारणास्तव शुटिंग थांबवण्याचा निर्णय निर्मात्याने घेतला आहे.
"घोषणा: 'अण्णात्थे' शूटच्या रूटीन टेस्टिंग दरम्यान ४ क्रू मेंबर्सनी कोविड १९ची चाचणी पॉझिटिव्ह आली आहे. सुपरस्टार रजनीकांत आणि इतर क्रू मेंबर्सची चाचणी निगेटिव्ह आली आहे. अण्णात्थे शुटिंग पुढे ढकलण्यात आले आहे,'' असे ट्विट सन पिक्चर्सने केले आहे.
१४ डिसेंबर रोजी सन पिक्चर्सने एक फोटो पोस्ट केला होता ज्यामध्ये रजनीकांत यांच्या 'अण्णात्थे' शुटिंगच्या वेळचा हा फोटो असल्याचे लिहिले होते. या फोटोत रजनीकांत मास्क लावून खुर्चीवर बसलेला दिसत होता.
'अण्णात्थे' हा तमिळ अ‍ॅक्शन फिल्म आहे. चित्रपट शिव यांनी लिहिला आणि दिग्दर्शित केला असून कलानिथी मारन निर्मित सन पिक्चर्स या बॅनरखाली बनवला आहे. या चित्रपटात रजनीकांत, मीना, खुशबू, कीर्ती सुरेश, नयनथारा, प्रकाश राज आणि जॅकी श्रॉफ यांच्यासह मुख्य भूमिकेत आहेत.
मे २०२० रोजी सन पिक्चर्सने घोषित केले होते ती अण्णात्थे पोंगल सणाच्यावेळी (संक्रांत) रिलीज होणार आहे. तथापि, कोविड उद्रेकानंतरच्या विलंबामुळे हा चित्रपट पुढे ढकलण्यात आला आहे.
हेही वाचा - मेक्सिकन बेटावरील बिकिनीतील फोटोमुळे कंगना ट्रोल; नेटकऱ्यांना दिले प्रत्युत्तर
तामिळ सुपरस्टार रजनीकांतने नुकताच आपला ७० वा वाढदिवस साजरा केला. त्याने राजकारणात प्रवेश करण्याचीही घोषणा केली आहे.
