अक्षय कुमारनं सैफ अली खानच्या साहसाचं केलं कौतुक, सलमानशी मतभेदावरही दिलं स्पष्टीकरण

सैफ अली खानवरील हल्ला प्रकरणात तो खऱ्या फॅमिली मॅनसारखा वागला असं अक्षय कुमारनं म्हटलंय. सलमान खानबाबतही त्यानं स्पष्टीकरण दिलं आहे.

मुंबई - अक्षय कुमार आणि वीर पहाडिया यांच्या भूमिका असलेला 'स्काय फोर्स' हा चित्रपट प्रजासत्ताक दिनानिमित्त प्रदर्शित होणार आहे. या चित्रपटाच्या प्रमोशनसाठी चित्रपटातील कलाकार खूप मेहनत घेत आहेत. सलमान खान होस्ट करत असलेल्या सर्वात लोकप्रिय टीव्ही रिअ‍ॅलिटी शो 'बिग बॉस १८' मध्येही 'स्काय फोर्स' टीमनं हजेरी लावली होती. यावेळी शोमध्ये फक्त वीर पहाडिया दिसला होता. सलमान खान सेटवर उशीरा आल्यानं अक्षय कुमार निघून गेला, अशा चर्चा झाल्या होत्या. सलमानबाबत आणि सैफ अली खानवर झालेल्या हल्ला प्रकरणी अक्षय कुमार काय म्हणाला हे जाणून घ्या.

VIDEO | Here's what actor Akshay Kumar (@akshaykumar) said on knife attack on Saif Ali Khan.

" it is very nice that he is safe, the whole industry is happy. it was very brave of him that he protected his family. hats off to him. i would say that i did a film with him called 'main… pic.twitter.com/PpJ2XOVU83

— Press Trust of India (@PTI_News) January 20, 2025

तर, वीर पहारिया आणि 'स्काय फोर्स' टीम जेव्हा बिग बॉस १८ मध्ये पोहोचली होती तेव्हा त्यांच्याशी चर्चा करताना सलमान म्हणाला की, "मी थोडा उशीरा पोहोचलो. पण अक्षयला एका फंक्शनसाठी जायचं असल्यानं तो निघून गेला. पण तुम्ही त्याला सांगा की शोमध्ये तर तू आला नाहीस पण माझा सिनेमा जरुर बघ." या घटनेमुळं अक्षय आणि सलमानमध्ये मतभेद असल्याच्या चर्चा सुरू झाल्या होत्या. याचं स्पष्टीकरण देताना अक्षय म्हणाला, "त्याला इतका उशिरा आला नव्हता, मी सेटवर आधी पोहोचलो होतो, तो थोडा उशिरा आला, त्याचे काही वैयक्तिक काम होतं, आम्ही याबद्दलही बोललो, सलमानशी बोलून मी तिथून निघालो, वीरनं सलमानबरोबर शूट केलं." सलमाननं हे स्पष्ट करून सांगितलं की, ''अक्षय वक्तशीर आहे आणि तो त्याची सर्व कामं वेळेवर करतो.''

Salman Khan clears the rumors about Akshay Kumar’s Bigg Boss 18 exit #SalmanKhan #BiggBoss18 pic.twitter.com/YWoPH5ehB6

— Surajit (@surajit_ghosh2) January 19, 2025

सैफ अली खानवरील चाकू हल्ल्याबद्दल अभिनेता अक्षय कुमार म्हणाला की, "तो सुरक्षित आहे हे खूप चांगलं आहे, संपूर्ण इंडस्ट्री आनंदी आहे. त्यानं त्याच्या कुटुंबाचे रक्षण केलं, हे त्याचे खूप धाडसी काम होतं. मला वाटतं तो खऱ्या फ्रमिली मॅनसारखा वागला. त्याला शुभेच्छा. मी म्हणेन की मी त्याच्याबरोबर 'मैं खिलाडी तू अनाडी' नावाचा चित्रपट केला आहे. मी एवढंच सांगेन की पुढच्या वेळेस मी त्याच्या बरोबर मिळून चित्रपट करणार आहे आणि त्याचं नाव असेल 'दो खिलाडी'."

अक्षय कुमार स्टारर 'स्काय फोर्स' हा चित्रपट २४ जानेवारी रोजी प्रदर्शित होणार आहे. याचं दिग्दर्शन अभिषेक अनिल कपूर आणि संदीप केवलानी यांनी केलं आहे.