मुंबई - बॉलिवूडची 'देसी गर्ल' प्रियांका चोप्रा नेहमीच तिच्या लूक्स आणि स्टाईलमुळे चर्चेत असते. सोशल मीडियावर तिचे अनेक फोटो व्हायरल होत असतात. फॅशन आयकॉन म्हणूनही ती ओळखली जाते. सध्या ती लंडनमध्ये स्थिरावली आहे. अलिकडे तिच्या काही फोटोंनी चाहत्यांचे लक्ष वेधले आहेत. या फोटोंमध्ये प्रियांकाचा देसी अंदाज पाहायला मिळत आहे.
- " class="align-text-top noRightClick twitterSection" data="
">
प्रियांकाच्या स्टाईलिश लूकची तर नेहमीच चर्चा होत असते. मात्र, यावेळी चर्चा होतेय ती तिच्या मंगळसुत्राची. अलिकडेच तिचे काही फोटो व्हायरल झाले आहेत. या फोटोंमध्ये ती अतिशय स्टाईलिश लूकमध्ये दिसतेय. विशेष म्हणजे तिने देसी परंपरा जपत मंगळसुत्रही घातले आहे. तिच्या या मंगळसुत्राची सोशल मीडियावर चर्चा पाहायला मिळते आहे.
भारतीय संस्कृतीत लग्नानंतर मंगळसुत्र घालण्याची प्रथा वर्षानुवर्षापासून चालत आलीये. लग्नानंतर मंगळसुत्राचे विशेष महत्त्व सांगितले जाते. बॉलिवूडच्या अनेक अभिनेत्री लग्नानंतर स्टाईलिश पद्धतीने मंगळसुत्र घालतात. त्यामुळे 'देसी गर्ल' विदेशात राहूनही मंगळसुत्र घालते म्हटल्यावर चाहत्यांनी तिच्या फोटोवर लाईक्सचा पाऊस पाडला आहे.
प्रियांकाने बॉलिवूडप्रमाणेच हॉलिवूडमध्येही तिच्या अभिनयाची छाप पाडली आहे. निक जोनाससोबत लग्नानंतर तिने 'इझन्ट इट रोमॅन्टिक' या चित्रपटात झळकली. या चित्रपटानंतर हॉलिवूडमध्येही तिच्या अभिनयाची क्रेझ पाहायला मिळते.
