मुंबई (महाराष्ट्र): अभिनेता पंकज त्रिपाठी (Pankaj Tripathi ) यांनी अलीकडे अक्षय कुमारची (Akshay Kumar) भूमिका असलेल्या OMG चित्रपट पूर्ण केला आहे. आता त्यांनी सृजित मुखर्जीच्या (Srijit Mukherjee) शेरदिल (Sherdil )या पुढच्या चित्रपटाचे शूटिंग सुरू केले आहे. या चित्रपटात त्यांची मुख्य भूमिका असणार आहे. शेरदिलचे शूट 2020 मध्ये सुरू होणार होते पण साथीच्या आजारामुळे ते थांबवण्यात आले. कलाकार आणि क्रू यांनी दीर्घ प्रतीक्षेनंतर आता चित्रपटाच्या शुटिंगला सुरुवात केली आहे.
- " class="align-text-top noRightClick twitterSection" data="
">
सृजित मुखर्जीसोबत काम करण्याचा त्याचा अनुभव सांगताना पंकज म्हणाले, "सृजित एक उत्कृष्ट दिग्दर्शक आहे. त्याला कोणत्याही परिचयाची गरज नाही. त्याचे काम स्वतःच बोलते. जेव्हा शेरदिल मला ऑफर करण्यात आला तेव्हा मी या कल्पनेवर फिदा झालो. कथेमध्ये एक निश्चित पात्र आहे. स्वतःच. ही एक सुंदर लिहीलेली स्क्रिप्ट आहे आणि मला विश्वास आहे की सृजित प्रत्येक पात्राला जिवंत करेल. हाच त्याचा यूएसपी आहे."
दिग्दर्शकाने पंकजबद्दल कौतुक व्यक्त केले. सृजित मुखर्जी म्हणाले, "पंकज त्रिपाठी हा आज देशातील सर्वोत्कृष्ट अभिनेत्यांपैकी एक आहे. त्याला सेटवर ठेवणे म्हणजे अर्धी लढाई जिंकणे आहे. नवीन गोष्टी करून पाहण्यासाठी आणि गरज पडेल तेव्हा सुधारण्यासाठी तो नेहमीच उत्सुक असतो. तो दिग्दर्शकाचा आनंद आहे."
हा चित्रपट पिलीभीत व्याघ्र प्रकल्पात घडलेल्या एका सत्य घटनेवर आधारित असल्याचं म्हटलं जातं आहे. या जंगलात प्रशासनाकडून नुकसानभरपाईचा दावा करण्यासाठी गावकऱ्यांनी त्यांच्या कुटुंबातील वृद्ध सदस्यांना वाघांची शिकार करण्यासाठी पाठवले होते. त्यानतंर ज्येष्ठ नागरिकांवर वाघांच्या हल्ल्यांचे भयावह प्रमाण पाहता वन अधिकाऱ्यांना प्रत्यक्ष घडामोडींची शंका आली.
या चितरपटात पंकज त्रिपाठी एका गावप्रमुखाच्या भूमिकेत दिसणार आहे, जो आपल्या गरीब कुटुंबाला वाचवण्यासाठी घनदाट जंगलाची मदत घेतो. रिलायन्स एंटरटेनमेंट आणि टी-सीरीज शेरदिल या चित्रपटाची सहनिर्मिती करत आहेत.
'शेरदिल'मध्ये, पंकज त्रिपाठी, नीरज काबी आणि सयानी गुप्ता सारख्या काही उत्कृष्ट प्रतिभांसोबत स्क्रीन स्पेस शेअर करणार आहे.
हेही वाचा - भारतातील सर्वाधिक मानधन घेणारा अभिनेता बनला प्रभास, आकडा ऐकून जाल चक्रावून
